Узбекистанд эмх замбараагүй байдлын улмаас энгийн иргэд болон цагдаа нар амиа алджээ

Twitter Print
2022 оны 07-р сар 05-нд 07:51 цагт
Мэдээний зураг,

Узбекистаны Ерөнхийлөгч Шавкат Мирзиеев Каракалпакстаны өөртөө засах орны нийслэл Нукуст үүссэн эмх замбараагүй байдлын улмаас энгийн иргэд болон цагдаа нар амиа алдсан тухай өнгөрсөн ням гарагт мэдэгджээ.

Ерөнхийлөгч Ш. Мирзиеевийн хэлснээр эмх замбараагүй байдал үүсгэсэн жагсагчид цагдаа нарын биед халдаж, чулуу шидэж, гал тавьж байсан аж.

Известия мэдээллийн агентлагаас мэдээлж байгаагаар олон мянган иргэдийг хамарсан жагсаал цуглаан нь энэ сарын 1-нд Каракалпакстаны нийслэл Нукуст эхэлсэн ба жагсагчид хотын төв талбай, талбайн ойролцоох байшин барилгуудын дээвэр дээр хүртэл цугларчээ.

Жагсагчид Каракалпакстаны далбааг барьж, Каракалпакстаны тусгаар тогтнолыг шаардан орилж байсан аж. Иргэдийн жагсах болсон гол шалтгаан нь Узбекистаны одоогийн үндсэн хуульд Каракалпакстаныг бие даасан бүгд найрамдах улс гэж явдаг ба бүх нийтийн санал асуулгын дүнгээр Каракалпакстан нь Узбекистанаас гарч, тусгаар тогтносон улс болох боломжтой талаар тусгасан байдаг бол Узбекистаны эрх баригчид үндсэн хуульд өөрчлөлт оруулж дээрх зүйл заалтуудыг хасахаар төлөвлөсөн аж.

Каракалпакстан нь Узбекистаны баруун хязгаарт байрлах өөртөө засах орон юм. 2 сая орчим хүн амтай Каракалпакстан нь Узбекистаны газар нутгийн 1/3-ийг эзэлдэг ба тус бүс нутагт ажилгүйдлийн түвшин өндөр, нийгэм эдийн засгийн нөхцөл байдал маш хүнд билээ.

Узбекистаны Daryo.uz мэдээллийн сайтад бичсэнээр жагсагчид болон цагдаа нар хоорондын мөргөлдөөнөөс болж хэдэн мянган хүн эмнэлэгт хэвтэн эмчлүүлж байгаа аж.

Узбекистаны сөрөг хүчний "Берлик" намын дарга Пулат Ахунов Ройтерс агентлагт өгсөн ярилцлагадаа нөхцөл байдал хурцдаж, узбекууд каракалпакууд хоорондоо зөрчилдөж, үндэстэн хоорондын тэмцэл үүсэхвий хэмээн эмээж буйгаа илэрхийлжээ.

Эх сурвалж: golosameriki.com

Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.