Авлигын хэрэгт холбогдсон Н.Энхбаатарыг ЗГХЭГ-ын дарга Л.Оюун-Эрдэнийн хүсэлтээр МИАТ-ын дэд даргаар томилжээ

Twitter Print
2019 оны 09-р сар 24-нд 11:46 цагт
Мэдээний зураг,

Сонгуульд сайн ажилласан, идэвх зүтгэл гаргасан, өөрөөр хэлбэл ялахад тусалсан хэмээн одоогийн ЗГХЭГ-ын дарга Л.Оюун-Эрдэнэ, УИХ-ын гишүүн асан Д.Гантулга нар хүсэлт гаргаж, 600 сая төгрөгийн авлигын хэрэгт холбогдсон Н.Энхбаатарыг МИАТ-ын дэд захирлын албан тушаалаар шагнаж байжээ. 

Тодруулбал, 2016 оны наймдугаар сарын 25-нд УИХ-ын гишүүн Л.Оюун-Эрдэнэ, Д.Гантулга нар МАН-ын Ерөнхий нарийн бичгийн дарга Д.Амарбаясгаланд албан бичиг илгээжээ. Уг албан бичигт, Монгол Улсын Их хурлын болон аймаг, нийслэлийн Иргэдийн төлөөлөгчдийн хурлын сонгуульд Монгол Ардын Намаас Хэнтий аймагт нэр дэвшигчдийн сонгуулийн сурталчилгааны ажлыг амжилттай зохион байгуулахад чухал үүрэг гүйцэтгэсэн МАН-ын гишүүн Нямаа овогтой Энхбаатарыг “МИАТ” ТӨХК-ийн дэд захирлаар томилуулан ажиллуулахад дэмжлэг үзүүлэхийг хүссэн байна.  

МАН-ын Ерөнхий нарийн бичгийн дарга Д.Амарбаясгалан ч тэдний хүсэлтийг биелүүлж, МАН-ын дарга болон Удирдах зөвлөл бүрэн дэмжиж байгааг уламжиллаа хэмээсэн хариу албан бичигт гарын үсэг зурж, Зам Тээврийн Хөгжлийн Сайд Д.Ганбатад 2016 оны наймдугаар сарын 29-ний  344 тоот албан бичгээр дамжуулжээ.

Yellow.mn-н зураг.

Улмаар Н.Энхбаатар 2016 оны арванхоёрдугаар сараас “МИАТ” ТӨХК-ийн Захиргаа, хууль эрх зүй эрхэлсэн дэд захирлаар томилогдон ажиллах болсон ч төд удалгүй тэрбээр 600 сая төгрөгийн авлигын хэрэгт холбогдсон юм. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.