Төрийн үйлчилгээний болон тусгай албан хаагчдыг түрээслээд, өмчлөх хэлбэрээр орон сууцтай болгоно

Twitter Print
2020 оны 05-р сар 20-нд 13:23 цагт
Мэдээний зураг,

Засгийн газрын хуралдаанаас гарсан шийдвэрийн талаар ЗГ-ын ХМХХ-ийн дарга Ц.Ганзориг мэдээлэл хийж байна.

"Засгийн газрын хуралдаанаар 20 гаруй асуудал хэлэлцэхээр төлөвлөсөн. Одоо үргэлжилж байгаа. Өнөөдрийн хуралдаанаар гаргасан онцлох мэдээллүүдээс хүргэе. Төрийн үйлчилгээний болон тусгай албан хаагчдыг түрээслээд, өмчлөх хэлбэрээр орон сууцтай болгох тогтоолыг Засгийн газар баталлаа. Энгийнээр хэлбэл, галын шугаманд ажиллаж байгаа буюу цар тахлын үед өндөр ачаалалтай ажиллаж байгаа эмч, сувилагч цагдаа, онцгойгийн алба хаагчид, мэргэжлийн хяналт, хил, гаалийн албан хаагчид хамаарна. 

 

Тусгай хөтөлбөрийг хэрэгжүүлэх ажлыг БХБ-ын сайд болон хотын даргад даалгасан. Эхний тооцоогоор 1,300-1,500 өрхийг орон сууцанд оруулах боломжтой гэж үзсэн. Зах зээл дээр бэлэн байгаа, ашиглалтад орсон орон сууцнуудаас орлогодоо нийцсэн хэлбэрээр сонгож, төрийн үйлчилгээний болон тусгай албан хаагчид хамрагдах боломжтой. Гол хэрэгжилтийг НОСК буюу хотын дарга С.Амарсайхан хариуцаж явна. Энэ нь 8 хувийн хүүтэй зээлд хамрагдаад орон сууцанд орохоос хөнгөвчилсөн нөхцөлтэй гэж ойлгож болно. 

НОСК өнөөдрийн байдлаар 3,000 орчим өрхийг түрээслээд өмчлөх хэлбэрээр орон сууцтай болгох ажлыг амжилттай зохион байгуулаад байгаа. Өргөдлөө өгөөд ил тод шалгаруулна. Өргөдлийг НЗДТГ нээлттэй авна. Эрүүл мэндийн салбараас хэд, цагдаа хүчний байгууллагаас хэд байх вэ гэдэг нь Нийслэлийн ЗДТГ-т ирсэн өргөдөл гомдлоос хамааран тогтооноСанхүүжилтийг Сангийн яам болон Монголбанк хамтраад шийдвэрлэх боломжтой гэж тооцоолсон. Маш ойрын хугацаанд 1,300-1,500 өрхийг орон сууцанд оруулна" гэв.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.