К.Роналду Англи, Испанийн лигт тус бүрт нь найман цом хүртсэн өвөрмөц амжилт үзүүллээ

Twitter Print
2014 оны 12-р сар 23-нд 10:35 цагт
Мэдээний зураг,

Португалын алдарт хөлбөмбөгчин К.Роналду нэгэн содон амжилтын эзэн боллоо. Тэрээр Английн “Манчестер Юнайтед”, Испанийн “Реал Мадрид” клубт тоглохдоо тус бүрт нь яг ижил найман цом хүртсэн байна. “Улаан чөтгөрүүд”-ийн хамтаар Премьер лиг, Холбооны цом, “Шиффельд цом”, “Аваргуудын лиг”-ийн цом, Клубын дэлхийн аваргын цом, хувийн төрлөөр Премьер лигийн шилдэг тоглогч, мэргэн буучын шагнал болох алтан шаахай, дэлхийн шилдэг оны хөлбөмбөгчин болжээ.

Харин 2009 онд Испанийн “Эзэн хаан”-ы багт ирснээс хойш “Ла лиг”-ийн аварга, Лигийн супер цом, “Копа дел Рэй”, “Аваргуудын лиг”-ийн аварга, Клубын дэлхийн аварга, Ла лигийн шилдэг мэргэн бууч, дэлхийн шилдэг оны хөлбөмбөгчин зэрэг шагналыг аваад байна.

Мөн энэ улиралд “Ла лиг”-т 25 гоол оруулж, мэргэн буучдын шагналыг хүртэх магадлал тун өндөр байна. Үүүнээс гадна “Реал Мадрид” зургаан цомыг бүгдийг нь хүртэх боломжоо хадгалсан хэвээр байгаа юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.