Монгол тусгаар тогтнолоо сэргээн мандуулсны 110 жилийн ойд зориулсан олон улсын эрдэм шинжилгээний хурал болов

Twitter Print
2021 оны 12-р сар 26-нд 11:00 цагт
Мэдээний зураг,

Монгол тусгаар тогтнолоо сэргээн мандуулсны 110 жилийн ойд зориулсан "1911 оны Монголын үндэсний хувьсгалын түүхэн ач холбогдол: үндэстний дуудлага, нөлөөлөл, хамаарал" (International Conference dedicated to the 110th anniversary of the proclamation of Mongolia’s independence "The Historical Significance of the Mongolian National Revolution of 1911: Nationwide Challenge, Influence on Contemporary Events and Relevance" сэдэвт олон улсын эрдэм шинжилгээний хурал 2012 оны 12 дугаар сарын 16-ны өдөр цахимаар Улаанбаатар хотноо болов.

Тус хурлыг "Үндэсний эрх чөлөө" эрдэм шинжилгээ, судалгааны хүрээлэнгээс эрхлэн зохион байгуулж,  Монгол Улс,  Япон Улс, ОХУ, Герман Улс, Швейцарь улсын 15 эрдэмтэд оролцож, илтгэл тавьж хэлэлцүүлэв.

Тус хурлыг санаачлагч, Онц бөгөөд Бүрэн Эрхт Элчин сайд, Монгол Улсын Гадаад хэргийн сайд, Ерөнхийлөгчийн Үндэсний Аюулгүй байдал, Гадаад бодлогын зөвлөх асан Лүндэгийн Пүрэвсүрэн нээж үг хэлэв. Тэрбээр хэлсэн үгэндээ: 1911 оны Монголын үндэсний хувьсгалын түүхэн ач холбогдлыг онцлон тэмдэглэж, "Монгол тусгаар тогтнолоо сэргээн мандуулсны ойд зориулсан олон улсын эрдэм шинжилгээний хурлыг хоёр жил тутам зохион байгуулж байх" санал дэвшүүлсэн юм.

Тус олон улсын эрдэм шинжилгээний хуралд "1911 оны Монголын үндэсний хувьсгалын түүхэн ач холбогдол: Богд хааны Монголын ирээдүйн талаар буулгасан хоёр зарлигийн тухай:" сэдвээр Монгол Улсын ШУА-ийн Олон улс судлалын хүрээлэнгийн эрдэмтэн, Төрийн соёрхолт, түүхийн шинжлэх ухааны доктор (Sc.D), Оохнойн Батсайхан, "Religious monarchy as historical choice of the Mongolian people in the first half of the 20th century" сэдвээр ОХУ-ын Шинжлэх ухааны академийн Дорнодахины хүрээлэнгийн профессор, түүхийн шинжлэх ухааны доктор С.Л. Кузьмин, "On Chen lu’s Diplomatic Activities on the Mongol Problem and his Historical Source" сэдвээр Япон Улсын нэрт монголч эрдэмтэн, профессор Наками Татсуо, "Богд хаанаас Юан-Шикайд, Цэрэнчимэдээс Францад илгээсэн бичгийн агуулга" сэдвээр  МУИС-ийн профессор, Шинжлэх ухааны гавьяат зүтгэлтэн, түүхийн ухааны доктор Зоригтын Лонжид, "Survey of Mongolia from Japan in the Early 20th Century" сэдвээр Япон Улсын Монгол судлалын нийгэмлэгийн ерөнхийлөгч, нэрт монголч эрдэмтэн, профессор Конагаяа Юки, "Рокхилл- монгол судлаач болох нь" сэдвээр Монгол Улсын Онц бөгөөд бүрэн эрхт элчин сайд, доктор Р.Болд, "Нармай Монгол хөдөлгөөн ба Нийслэл Хүрээ дэх гадаадынхан" сэдвээр МУИС-ийн профессор, Шинжлэх ухааны гавьяат зүтгэлтэн, Түүхийн шинжлэх ухааны доктор Хэрээд Ж.Урангуа, "Re-examination of a document on the banners submitting to the Bogd Khan Government" сэдвээр Япон Улсын Шимоносеки хотын их сургуулийн профессор, монголч эрдэмтэн Тачибана Макото, "On questions of internal and external sovereignty in the revival of the Mongolian state" сэдвээр Герман улсын монголч эрдэмтэн, профессор Удо Баркманн, "Богд хаантан агримбын мяндаг хүртэхээр бэлтгэж байсан нь" сэдвээр МБШТөв Гандантэгчэнлин хийдийн Жүд дацангийн багш, доктор Н.Бизъяа, "Зарлигаар тогтоосон Монгол улсын хууль зүйлийн бичиг” дэх лам нарын хэргийн хуулийн тухай" сэдвээр МУБИС-ийн профессор, доктор Л.Алтанзаяа, "Хууль тогтоомжийн кодификацжуулалт ба Зарлигаар тогтоосон Монгол улсын хууль зүйлийн бичиг" сэдвээр МУИС-ийн Хууль зүйн сургуулийн Нийтийн эрх зүйн тэнхимийн багш, докторант Б.Батбаяр, "Бичил түүх: онол ба аргачилал" сэдвээр Швейцарь улсын Берний Их сургуулийн Шашин судлалын Институтийн докторант С.Золбоо, "Монголын анхны тогтмол хэвлэл ба И.Я.Коростовец" сэдвээр МУБИС-ийн НХУС-ийн Сэтгүүл зүйн тэнхимийн багш доктор М.Одмандах, "Богд гэгээн таалал төгссөний дараах Их шавийн тухай" сэдвээр МУИС-ийн ШУС-ийн Түүхийн тэнхимийн докторант нар илтгэл тавьж хэлэлцүүлэв.

Хуралд тавьсан О.Батсайханы илтгэлтэй дараах холбоосоор танилцаж болно.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.