Чөлөөт бөхийн ДАШТ-ий эрэгтэйчүүдийн 97 кг-н жинд өрсөлдөж буй “Аврагч” спорт хорооны тамирчин Ө.Батзул 1/4 шигшээд энэ жилийн Азийн АШТ-ий хүрэл медальт, Польшийн нээлттэй тэмцээний аварга эзэн орны Алишер Йергалид оноогоор цэвэр (0:10) ялагдлаа. Уг нь түүнийг ялсан бол манай бөх олимпийн эрх авах байсан бөгөөд үнэхээр хариуцлагагүй барилдлаа.
Харин Эрэгтэй 61 кг-н жинд өрсөлдөж буй дэлхийн аваргын хүрэл медальт Т.Түвшинтулга Японы бөхийг ялсан ч дараагийн шатанд Оросын М.Идрисовт 4:1 харьцаагаар, 79 кг-н жинд өрсөлдсөн Д.Гомбодорж Словакийн бөхөд, 125 кг-н жинд өрсөлдсөн Д.Хүдэрбулга өрсөлдөгчдөө ялагдаад байна. Д.Хүдэрбулгыг ялсан Ираны бөх дунд шөвөгт Украйны бөхөд ялагдснаар манай бөхөд дагах барилдаан хийх боломжгүй болжээ.
Эх сурвалж: Монголын чөлөөт бөхийн холбоо
Энэ мэдээ танд таалагдаж байвал LIKE хийгээрэй. Танд баярлалаа.
