Мисс Б.Гүнзаяа “Miss Universe Mongolia 2019” тэмцээний тэргүүн миссээр тодорлоо

Twitter Print
2019 оны 09-р сар 21-нд 09:55 цагт
Мэдээний зураг,

"Miss Universe Mongolia 2019” тэмцээн  “UB  palace”-ийн их танхимд өчигдөр тэргүүн миссээ тодрууллаа. Тэмцээнд 50 гаруй үзэсгэлэнтэй бүсгүйчүүд өрсөлдсөнөөс мисс Б.Гүнзаяа тэргүүн миссийн эзэн боллоо. "Miss Universe Mongolia 2019” тэмцээний хоёрдугаар байрт мисс И.Төгсөө, гуравдугаар байрт  мисс Г.Дүүрэнжаргал нар тодорлоо.

"Miss Universe Mongolia 2019” тэмцээний тэргүүн мисс Б.Гүнзаяа нь Дэлхийн 90 гаруй орны миссүүдтэй өрсөлдөх "Miss Universe” тэмцээнд оролцох эрхтэй болж байна. Үндэсний ялагчийг тодруулах шүүгчдийн бүрэлдэхүүнд "Miss universe 2018" тэмцээний тэргүүн мисс Д.Долгион, топ модель Г.Уранцэцэг, загвар өмсөгч Э.Энхболд, жүжигчин А.Гэрэлцэцэг нар ажилласан юм. Сүүлийн шатанд шилдэг зургаан бүсгүй Англи хэлний мэдлэгээрээ өрсөлдөж, тэргүүн миссээ  тодруулав. 

Мисс, фото модель Б.Гүнзаяа олон улсын шинж чанартай хэд хэдэн тэмцээнээс гран при шагнал хүртэж, эх орныхоо нэрийг өндөрт өргөж байсан удаатай. Тухайлбал, Туркт болсон “Photo model of the world 2016” тэмцээнд Монгол Улсаа төлөөлөн оролцож, 45 орны гоо бүсгүйчүүдтэй өрсөлдөн гуравдугаар байр буюу “Second runner-up Miss elegance”, Хятадын Засгийн газраас зохион байгуулагддаг “Miss Leisure world 2016" тэмцээнд нийт 40 орны гоо бүсгүй оролцоход Хятадын Засгийн газрын "Хүндэт жуух” бичиг, диплом, “Авьяас топ-5”-д үлдэж финалийн шатанд “Miss exotic” буюу "Хамгийн чамин мисс”, "Авьяаслаг мисс” -ийн титэм хүртэж байсан юм.  

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.