Энэтхэгийн аав, хүү уран барималчийг “Алтан гадас” одонгоор шагналаа

Twitter Print
2019 оны 09-р сар 20-нд 14:24 цагт
Мэдээний зураг,

Ерөнхийлөгч Х.Баттулга айлчлалын хөтөлбөрийн дагуу Энэтхэгийн аав, хүү уран барималч Рам Сутар, Анил Сутар нарт "Алтан гадас" одон гардуулжээ. Шагнал гардуулах ёслол Дели хот дахь ЭСЯ-нд болсон байна. БНЭУ-ын Засгийн газраас Гандантэгчинлэн хийдэд 5.8 метрийн өндөр Бурхан багшийн болон хоёр шавийнх нь сэрэг дүрийг бэлэглэсэн юм. 93 настай Рам Сутар, хүү Анил Сутарын хамт тэрхүү дүрийг бүтээжээ. Тэд сэрэг дүрийг Энэтхэгт бүтээн, Улаанбаатар руу манай ЭСЯ хариуцан илгээсэн байна.

Бурхан багшийн сэрэг дүрийг нээх ёслол өнөөдөр Улаанбаатар, Дели хотуудад зэрэг болсон гэхэд болно. Учир нь Улаанбаатарт болсон ёслолыг Делид шууд дамжуулан, Ерөнхийлөгч Х.Баттулга, Энэтхэгийн Ерөнхий сайд Нарендра Моди хамт үзлээ. Ёслолын ажиллагаанд Гандантэгчинлэн хийдийн тэргүүн хамба Д.Чойжамц, тус хийдийн Гадаад харилцаа, нийгэм, олон нийт хариуцсан тэргүүлэгч Б.Мөнхбаатар нар байлцав. Уг нь Ерөнхий сайд Нарендра Моди энэ ёслолд биечлэн оролцохоор төлөвлөсөн ч түүний айлчлал хойшилсон. Иймд ёслолыг Гандантэгчинлэн хийдэд үйлджээ.

"Алтангадас одон" гардуулах үеэр Энэтхэгийн “Haranand books publications” хэвлэлийн газрын захирал Нарендра Кумар Ерөнхийлөгчид “Миний мэдэх Ерөнхийлөгч Х.Баттулга” номын англи орчуулгыг бэлэглэсэн байна. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.