Лам ч хэрэггүй, Болдбаатар ч хэрэггүй зүйл шүү дээ

Twitter Print
2020 оны 05-р сар 28-нд 12:37 цагт
Мэдээний зураг,

01. Өчигдөр нэг эмээ 5 нас хүрчихээд хэлд орохгүй байгаа ач хүүгээ хэрхин хэлд оруулах арга чарга асуугаад Нархажид сүм дээр очжээ. Түүнтэй уулзсан лам багш "Болдбаатар багш тэр талын арга чаргыг мэднэ." хэмээн зааж өгсөн гээд надтай утсаар ярьж байна.

02. Би тэр эмээд нь "Танай хүү гар утас их тоглодог уу?" гэтэл "Хэлэх юм биш айхтар." гэж байна. Тэгээд би хариуд нь "Ямар ч сайн эмч домч, лам хувраг туслаж чадахгүй. Эхний ээлжинд гар утас, зурагтын хамаарлаас холдуул. Энэ бол сэтгэцийн өвчин эмгэг биш. Услаж бордохгүй цэцэг ургахгүйтэй адил. Хүүхэдтэйгээ идэвхитэй харилцахгүйгээс үүдсэн оюуны түр зуурын саатал юм. Одоо гэр оронд нь гар утас мааждаг, зурагт ширтдэг хүмүүс байгаа бол тэрнээсээ холдоод хүүхэдтэйгээ идэвхитэй харилцаж түүн рүү хандаж яриад эхлэ. Тэгээд л 3-6 сарын дараа аяндаа хэлд орож эхлэх вий." гэж зөвлөв.

03. Хүүхэд оройтож хэлд орох, хэл ярианы гажигтай болох, уншилтын хоцрогдол энэ гурван нийгмийн үзэгдэл даамжирвал монгол үндэстэн мөхөж ч мэдэх аюултай юм шүү. Энэ бүхний эцсийн шийдэл нь эцэг эхийн өөрсдийн гарт нь байгаа болохоос биш ямар ч сайн эмч, лам хувраг хийгээд мөхөс Болдбаатарын шийдэж чадах нь бус болой.

Д.Болдбаатар 

"Гэгээ" боловсролын төв 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.