Дүрэм зөрчсөн жолооч цагдаагийн алба хаагчийг мөргөж гэмтээжээ

Twitter Print
2019 оны 09-р сар 20-нд 12:27 цагт
Мэдээний зураг,

Замын хөдөлгөөний дүрэм зөрчсөн жолооч  цагдаагийн алба хаагчийн шаардлага биелүүлэхгүй автомашинаараа мөргөсөн хэрэг гарчээ. Тодруулбал, Сүхбаатар дүүргийн нутаг дэвсгэрт зөрчил гаргасан автомашины жолоочийг цагдаагийн алба хаагч зогсоон, холбогдох бичиг баримтыг нь хураан авсан байна. Гэтэл жолооч цагдаагийн алба хаагчийг автомашинаараа мөргөн унагажээ. 

Энэ талаар Тээврийн цагдаагийн албанаас тодруулахад “Есдүгээр сарын 18-ны өдөр 21:30 цагийн орчимд Сүхбаатар дүүргийн гуравдугаар хороо, Нарны зам, “Monnis” төвийн зүүн уулзварт "Toyota Aqua" автомашины жолооч А нь ажил үүргээ гүйцэтгэж байсан цагдаа зохицуулагч, цагдаагийн ахлах ахлагч Б-г мөргөж гэмтээсэн хэргийг хуулийн дагуу шалгаж байна. Цагдаагийн алба хаагчийг үзлэг шинжилгээнд хамруулж, биед нь учирсан хохирлоос шалтгаалан тухайн жолоочид хариуцлага тооцно” гэв.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.