Хүний амьдралыг уртасгах байсан тулгуур эсийн судалгаа үр дүнгүй болжээ

Twitter Print
2015 оны 01-р сар 17-нд 16:53 цагт
Мэдээний зураг,

Хүний бие организмын тулгуур эсийн судлалд “хувьсгал хийсэн” Японы шинжлэх ухаан-судалгааны RIKEN хүрээлэн өнөөдөр STAP нэртэй эс гарган авах судалгаагаа зогсоосон тухай мэдэгджээ.  The Japan Times сонинд тэмдэглэснээр уг судалгаан дээр ажиллаж байсан эрдэмтэн Харуко Обоката уг эсийг бий болгож чадсан гэж мэдэгдэж байсан хэрнээ эцэст нь нотолж чадаагүй учир хүрээлэнгийн удирдлага түүнийг ажлаас нь халах болсоноо мэдэгдсэн байна.

Энэ зэрэгцээ түүнтэй хамтран “STAP-эс”-ийн судалгааг хамтран явуулж байсан Есики Сасаи өнгөрсөн наймдугаар сард олон нийтийн дарамтын улмаас амиа хорлосон явдал судалгааны ажлыг бүрэн зогсоох нэгэн үндсэн шалтаг болсон аж. Эрдэмтэн Есики Сасаи нас барахынхаа өмнө бичсэн захидалдаа уг судалгааны ажилд өөрийг нь учир холбогдолгүй байтал хэвлэл мэдээлэл, олон нийтийн зүгээс үзүүлсэн харгис хатуу хандлагын улмаас амиа хорлосон болохоо мэдэгдсэн байв.

Энэ хэрэг явдлын дараа эрдэмтэн Обоката болон RIKEN хүрээлэнгийн судалгааны бие даасан баг STAP-эс үнэхээр бий эсэхийг нотлох оролдлого хийж байсан боловч үр дүнд хүрээгүй байна.

Эсийг хувилах шинэ аргын тухай хоёр нийтлэлийг “Nature” сэтгүүлд энэ оны нэгдүгээр сард нийтэлсэн байна. Уг нийтлэлүүдэд 30 настай эрдэмтэн эмэгтэй Харуко Обокатагын удирдлага дор эрдэмтэд амьд эсийн дурын төрлөөс эд эс ургуулах арга нээсэн тухай мэдээлсэн бөгөөд боловсорсон эсийг үр хөврөлийн тулгуур эс болгон хувиргаж чадсан гэсэн байжээ. Эрдэмтдийн нотолсноор, хүний мэдрэлийн зөөлөн эдээс гурван хэмжээст бүтэц ургуулж чадсан бөгөөд тулгуур эс гарган авах шинэ аргаа тэд “STAP-техник” гэж нэрлэж байжээ. Энэ арга нь хавдрыг эмчлэхэд, мөн эрхтэн шилжүүлэн суулгах мэс засалд хувьсгал гаргах боломжийг нээсэн гэж эрдэмтэд мэдэгдэж байсан аж.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.