1400 орчим хөөмийч нэгэн зэрэг хөөмийлж, Геннист бүртгүүллээ

Twitter Print
2019 оны 10-р сар 30-нд 16:32 цагт
Мэдээний зураг,

Ховд нутгийн 1308 хөөмийч өнөөдөр нэгэн зэрэг хөөмийлж, соёлын үнэт өв болсон хоолойн хөгжмийн урлагаа гиннест бүртгүүллээ.

Монгол хөөмийг “Гиннесийн ном”-д бүртгүүлэх сорилтод хамгийн бага нь тав, хамгийн ахмад нь 83 настай хөөмийчид оролцсон байна. Сорилтын шүүгчээр Английн Лондон хот дахь Геннисийн амжилтын хорооны шүүгчид ажиллав. Түүнчлэн монгол хөөмийг дэлхийн дээд амжилт, Геннисийн номд бүртгүүлэх түүхэн үйл хэрэгт оролцохоор Улаанбаатар хот, Бүгд Найрамдах Тува улс, ӨМӨЗО, бусад аймгийн хөөмийчид хүрэлцэн иржээ.

Монгол хөөмийг дэлхийн дээд амжилтад бүртгүүлэх "Түүхэн бахархлын өдөр” үйл ажиллагааг Ховд аймгийн ИТХ, ЗДТГ, дэлхийн Хөөмийн холбоо хамтран зохион байгуулснаараа онцлогтой. Тус үйл ажиллагаа нь соёлын өвийг хамгаалах, хөөмийн урлагаар дамжуулан ард иргэдийг соён гэгээрүүлэх, залуу хойч үеийнхэнд өвлүүлэн үлдээхэд чухал ач холбогдолтой гэж албаныхан хэллээ. 

Боловсрол соёл шинжлэх ухаан спортын яам-н зураг.

Хөөмийг салхины үлээлт, усны боргио, шувуудын жиргээ зэрэг байгалийн дуу чимээг даган дуурайх оролдлогоос үүссэн гэж үздэг. Хөөмий бол монгол үндэстний олон талт баялаг өв бөгөөд амьд, өрнөлт уламжлал юм.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.