Д.Номин-Эрдэнэ дэлхийн шатрын ноён оргилд хүрлээ

Twitter Print
2019 оны 09-р сар 17-нд 08:47 цагт
Мэдээний зураг,

Монголын шатрын түүх нэгэн гайхамшигт амжилтаар зузаарлаа. Оюун ухаанаараа монголчууд дэлхийн аль ч үндэстнээс дутахгүй гэдгийг манай оюун ухааны тамирчид харуулдаг. Монголын шатарчдын дундаас ч шатрын эрэгтэй, эмэгтэй Их мастер цөөнгүй төрснийг та бид мэднэ.

Тэгвэл шатарчин охин Даваадэмбэрэлийн Номин-Эрдэнэ шатрын ертөнцийн хамгийн том цол Их мастерын болзлыг биелүүлсэн Монголын анхны эмэгтэй шатарчин болжээ. Д.Номин-Эрдэнэ таван настайдаа шатар нүүж сурсан бөгөөд зургаан настайгаасаа эхлэн тэмцээнд оролцож эхэлсэн байна. 

10 настайдаа Өсвөрийн дэлхийн аварга болж, 14 настай Олон Улсын мастер, Эмэгтэйчүүдийн Их мастер цолуудыг хүртэж, энэ цолыг хамгийн залуудаа хүрсэн Монголын эмэгтэй шатарчин болсон юм. Харин өнөөдөр дөнгөж 19-хөн настайдаа Дэлхийн шатрын хамгийн дээд цолд хүрлээ. 

Image result for шатарчин Номин Эрдэнэ

Эмэгтэй шатарчдаас Их мастер цолыг анх ЗХУ-ын домогт шатарчин Нона Гаприндашвили 1978 онд хүртэж байсан бөгөөд өнөөг хүртэл Унгарын алдарт эгч дүү шатарчин Сюзан болон Юдит Полгар, ЗХУ-ын Майя Чибурданизе гэх мэт ердөө 37-хон эмэгтэй шатарчин энэ  цолд хүрч байжээ. 

Дашрамд шатрын ертөнцийн цол, зэргийг эрэмбээр нь сануулахад:

-Их мастер

-Олон Улсын Мастер

-ФИДЕ мастер

-Дэд мастер

-Эмэгтэйчүүдийн Их мастер

-Эмэгтэйчүүдийн Олон Улсын Мастер

-Эмэгтэйчүүдийн ФИДЕ мастер

-Эмэгтэй дэд мастер

Монголын шатарчдаас төрсөн Их мастерууд:

Их мастер :

Б.Хатанбаатар, Д.Шаравдож, Ц.Батчулуун, Б.Гүндаваа, Д.Номин-Эрдэнэ

Эмэгтэй Их мастер:

Б.Мөнгөнтуул, Т.Батчимэг, Ү.Үүрийнтуяа, А.Энхтуул, Б.Аминаа

Олон Улсын Шатрын Холбоо( ФИДЕ) -ны гишүүн 200 шахам орноос хамгийн олон Их мастертай нь ОХУ -255, АНУ-101, БНХАУ-48 эхний гуравт бичигддэг бөгөөд манай Монгол таван их мастертай 57-д бичигдэх ажээ.

Ц.Энхтүвшин

Эх сурвалж: "Таван цагариг"

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.