Газрын тосны үнэ дунджаар 12-13 хувиар өссөн байна

Twitter Print
2019 оны 09-р сар 16-нд 09:16 цагт
Мэдээний зураг,

Саудын Арабын газрын тосны үйлдвэр халдлагад өртсөний улмаас дэлхий дахинаа газрын тосны үнэ дунджаар 12-13 хувиар өсчээ. 

Brent нэрийн газрын тосны 11-р сарын фьючерсийн үнэ 67.8 ам. доллараас 71.62 ам. доллар хүртэл, WTI маркийн газрын тосны 11-р сарын фьючерсийн үнэ 60.09 ам. доллараас 63.47 ам. доллар хүртэл тус тус өсөөд байна. 

Газрын тосны олборлолт болон экспортоороо дэлхийд тэргүүлэгчдийн нэг болох Саудын Арабын Вант Улсын газрын тосны байгууламжууд халдлагад өртсөний улмаас тус улс газрын тосны үйлдвэрлэлээ 50 гаруй хувиар бууруулахад хүрээд байна. 

Image result for Saudi oil attacks: Iran condemns US 'deceit' after accusation

Саудын Араб тэргүүтэй Арабын улс орнуудын эвслийн эсрэг дайтаж буй Йемений босогчид болох хуситууд дрон ашиглаж энэхүү халдлагыг үйлдсэн болохоо мэдэгдсэн юм.

Үүний хариуд АНУ-ын Төрийн нарийн бичгийн дарга Майк Помпео халдлага Йемений талаас явагдсан нь баттай биш хэмээн халдлагыг Тегеран зохион байгуулсан гэж буруутгасан байна. Ираны зүгээс Америкийн төрийн нарийн бичгийн мэдэгдлийг "худал" хэмээн үгүйсгээд байгаа билээ.  

Image result for Saudi oil attacks: Iran condemns US 'deceit' after accusation

АНУ-ын Ерөнхийлөгч Доналд үүссэн нөхцөл байдалтай холбогдуулан зах зээлийг тогтворжуулах зорилгоор, шаардлагатай тохиолдолд АНУ-ын стратегийн нөөцийн газрын тосноос ашиглахыг зөвшөөрсөн тухайгаа өөрийн твиттер хуудаснаа бичсэн байна.

Тэрээр Вашингтон тус халдлагад буруутай этгээдийг мэдэж байгаа ч Саудын Арабын талаас хэнийг буруутгаж байгаа талаарх санал дээр үндэслэн цаашид ямар арга хэмжээ авахаа шийдэх гэнэ.

Эх сурвалж: BBC 

Содномцэрэнгийн Энхзаяа  

Mongolcom.mn  

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.