В вирусийн элэгний архаг үрэвсэлтэй өвчтөн хэзээ эмнээс салах боломжтой болох вэ?

Twitter Print
2020 оны 05-р сар 07-нд 17:00 цагт
Мэдээний зураг,

-Гадаргуугийн антиген уствал вирусын эсрэг эмийн эмчилгээ дахин авахгүй байсан ч асуудал үүсэхгүй

-Эмийн гаж нөлөө болон эмийн дасан зохицлоос урьдчилан сэргийлэхээс гадна эдийн засгийн хувьд ч ачаалал багасна.

Эдгэрсний дараа ч гэсэн насан туршдаа эм уух шаардлагатай байдаг В вирусийн элэгний архаг үрэвсэлтэй өвчтөнүүдэд найдлага төрүүлсэн судалгааны хариуг илтгэлээ.

Image may contain: 1 person, eyeglassesСөүлийн их сургуулийн эмнэлгийн дотрын тасгийн эмч Ли Жонг Хүн болон Ким Мин Сог клиник судалгааны эмчийн баг хамт олон нь цусан дахь сийвэнгийн гадаргуугийн антиген устахад В вирусийн элэгний архаг үрэвсэлтэй өвчтөн нь вирусийн эсрэг эмийн эмчилгээг зогсооход аюулгүй талаарх судалгааны ажил хийн тайлагналаа. Энэхүү судалгаа нь дотоодын 16 их сургуулийн эмнэлгийн хамтарсан судалгааны ажлын үр дүгээр батлагдлаа.

В вирусийн элэгний архаг үрэвслээр дэлхий дахинд 2 тэрбум 60 мянган хүнд халдвартай байгааг нь тогтоогдсон байгаа ба ялангуяа Зүүн Азийн бүс нутгийн улсуудад элбэг байна.

Дээрх тохиолдолд үүнийг эмчлэхийн тулд вирусийн эсрэг эмийг тасралтгүй хэрэглэж ирсэн.

Үүнээс үүдэн цусан дотор элэгний В вирусийн гадаргуу дахь антиген илэрдэггүй байсан ба энэ тохиолдлыг “Үйл ажиллагааны эдгэрэл” гэнэ.

Асуудлын гол нь гадаргуугийн антиген устсанаар үйл ажиллагааны эдгэрэл болсон ч шууд амархан эмчилгээг зогсоох хэцүү байсан.

Удаан хугацаанд ууж ирсэн эмийг зогсоовол вирус дахин идэвхжин элэгний үйл ажиллагаа муудах, элэгний дутагдалд орох, цаашилвал амь насаа ч алдахад хүрч болзошгүй юм. Тиймээс өвчтөн нь вирус дарангуйлах эмийг удаан хугацаанд уухаас өөр аргагүй байсан ба түүнээс үүдсэн эмийн дасан зохицол, гаж нөлөө, эдийн засгийн хүндрэл ч мөн өвчтөний л үүрэх "ачаа" байсан.

Судалгааны баг нь вирусийн эсрэг эмийг удаан хугацаанд уусны дараа цусан дахь гадаргууны антиген устсан 276 өвчтөний шинжилгээнд анализ хийн, вирусийн эсрэг эмийг үргэлжлүүлж байгаа тохиолдол болон эмийг уугаагүй зогсоосон тохиолдлын аюулгүй байдлыг харьцуулан шалгалаа.

Гадаргууны антиген дахин илрэх давтамж, элэгний В вирусийн DNK дахин илрэх, элэгний хавдар гарах хүндрэл зэргийг харьцуулсан судалгаагаар хоёр талд ялгаа гараагүй байна.

Энэ нь гадаргууны антиген устсан бол вирусийн эсрэг эмийн эмчилгээг зогсоох нь аюулгүй гэдгийг баталсан зүйл юм.

Энэхүү судалгаа нь В вирусийн элэгний архаг үрэвслийн үед хийгддэг вирусийн эсрэг эмийн эмчилгээг дуусгах хугацааг тодорхойлох үндэслэл болно гэдэгт найдаж байна.

Одоогоор Америк, Европ болон дотоодын эмчилгээний үйл явцаас харвал гадаргууны антиген устсан тохиолдолд вирусийн эсрэг эмийг зогсоохыг санал болгосон боловч тэрхүү үндэслэлийг хангалттай нотолсон судалгааны ажил хараахан байхгүй байсан. Мөн гадаргууны антиген устсан тохиолдол ч ховор учир хангалттай материал цуглуулах боломж байгаагүй юм.

Харин энэхүү судалгааны ажил нь дотоодын 16 эмнэлгийн тусламжаар олон өвчтөнг хамруулах боломжтой болсон бөгөөд вирусийн эсрэг эмчилгээг үргэлжлүүлсэн өвчтөн болон зогсоосон өвчтөнг харьцуулсан анхны судалгааны ажил юм.

Энэ нь элэгний архаг В вирусийн өвчтөний вирусийн эсрэг эмчилгээг дуусгах үндэслэл болно хэмээн үзэж байна.

Ли эмч “Өмнө нь эмчилгээний дуусах хугацааны талаарх үндэслэл хангалтгүй мөн вирусийн эсрэг эмийг удаан хугацаанд ууж байгаа өвчтөнд ихэд санаа зовж байсан бол энэхүү судалгааны ажлаас эмчилгээний дуусах хугацааг тогтоох боломжтой болсон” гэлээ.

Image may contain: food

Вирусийн эсрэг эмийн эмчилгээ хийлгэж байгаа элэгний В вирусийн архаг үрэвсэлтэй өвчтөний сийвэнд гадаргууны антиген илрэхгүй бол вирусийн эсрэг эмийг зогсооход боломжтой юм хэмээн тодотголоо.

Гэхдээ “Элэгний хавдартай эсвэл элэгний үйл ажиллагаа муудсан элэгний хатууралтай өвчтөний тохиолдол нь хамрагдахгүй юм.

Хамтран ажилласан Ким Мин Сог клиник судалгааны эмч нь “Дэлхий дахинд бататган харуулах хэрэгтэй ч тогтсон, нотолсон зүйлгүй байсан бол дотоодын олон байгууллагууд хүчээ нэгтгэн хамтран асуудлыг шийдсэнд таатай байна” хэмээн илтгэлээ.

Энэхүү судалгаа нь “Хоол боловсруулах замын эмгэг” олон улсын /Английн/ сэтгүүлийн 3 сарын дугаарт хэвлэгдсэн байна.

Эх сурвалж: Сөүлийн Их сургуулийн харьяа нэгдсэн эмнэлэг

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.