Мэргэн хүн тодорхой чиг хандлага, баримтлал баримталдаггүй, гагцхүү оршиж ажигладаг

Twitter Print
2020 оны 06-р сар 26-нд 09:55 цагт
Мэдээний зураг,

- Граммаар хэмжигдэх ганц ширхэг үрнээс ямар том мод ургадаг билээ. Үйлийн үр яг түүн шиг.

- Төмс тариад алим хураах боломжгүй. Муу үйл хийгээд сайн амьдрал хүлээх нь үүнтэй адил.

- Үйлийг нэгэнтээ хийсэн бол үр нь ирэх нь гарцаагүй. Энэ бол Термодинамикийн хууль. Тиймээс хувиа бодож довоо шарлуулдаг ядмагхан сэтгэлгээгээ хамаг амьтны тусын тулд хүртэл тэлэх хэрэгтэй юм. Тэгэж байж өчүүхэн үйл бүхэн чинь буян болж эргэнэ.

- Голын усанд бүү урс, бүү сөрж урс, харин эрэг дээр нь суу. Тэгээд ажигла. Тайзан дээр бүү гар. Өөрөөр хэлбэл юунд ч бүү хариу үйлдэл хий. Ганцхүү ухамсарла. "Өө, энэ уурлаж байна", эсвэл "Өө, энэ сагсуурч байна" гэх мэтээр.. Бусдыг ийн харж буй шигээ өөрийгөө бас ухамсарла.

- Юм бүхэнд л "Би" явж байдаг. Ингэхэд Би гэж юу юм бэ? Юу ч биш. Энэ Би-гээс салчихвал амьдрах маш амар амгалан болчихно.

- Мэргэн хүн тодорхой чиг хандлага, баримтлал баримталдаггүй, гагцхүү оршиж ажигладаг.

- Юмс үзэгдэлд үйлийн үрийн чанараас нь харвал зөвхөн нэгдэл л байдаг. Мэргэн хүмүүс энэ нэгдлийг нь л харж байдаг. Ийнхүү юмс үзэгдлийг нэгдлээр хүлээж авснаар тэд юуг ч ашиг, амжилт гэж хүлээж авдаггүй, бас гарз хохирол гэж хүлээж авдаггүй.

- Хэрвээ зөвхөн өөрт ирэх хариу сайн үрийг нь тооцож, ашиг завшааныг нь тооцоолж буянт сайн үйл үйлдэж буй бол хэзээ ч сайн үр ирэхгүй. Яагаад гэвэл буяныг зөвхөн буяны тулд л, сайн үйлийг зөвхөн сайн үйлийн л тулд л үйлддэг. Тэгэж байж л сая буяны, сайн үйлийн үрийг хүртдэг. Буян, сайн үйл нь ямар нэгэн наймаа арилжаа биш юм.

- Ертөнцийг засах гэж энд тэнд шүүмжилж, дүвчигнөж явах гэснээс өөрийгөө л засчихад уг нь ертөнц засагдчих юм байгаа юм. Шүүмжилж бужигнуулснаар Ертөнцийг засахгүй. Засагдахгүй ч үгүй. Асуудал ар араасаа гарсаар, эцэс төгсгөлгүй ундарсаар л байх болно. Яагаад гэвэл үйлийн үрийн нөлөөлөл арилахгүй. Харин өөрийгөө л засчих хэрэгтэй. Хүн бүр өөрийгөө л засчихвал ертөнц аяндаа засагдчихна.

- Оюун санааны туйлийн чухал, төгс чанар бол түүнийг дасгалжуулж, дадлагажуулж болдог. Энэ нэн чухал. Ирээдүйгээ ч хяналтандаа авч болох боломжтой гэсэн үг юм.

- Бид Цөмийн зэвсэг яана аа гэлцдэг. Гэтэл яг бидний дотоодод жинхэнэ цөмийн зэвсэг чинь байгаа гэдгийг бид огтхон ч анзаардаггүй. Муу бодол, муу сэдэл гэдэг чинь цөмийн зэвсгээс илүү аюултай, муу үйл дэлбэрхээрээ бүхнийг бүрхэж ч мэднэ. Там гэгч үнэндээ бидний дотор бий. Бид нүдэнд харагддаг цөмийн зэвсгээс айдаг атлаа сэтгэл дотроо байгаа цөмийн зэвсгээс айдаггүй. Бид тамаас айх атлаа дотоод сэтгэлдээ байгаа тамаасаа айдаггүй. Яагаад гэвэл түүнлүүгээ өнгийж хардаггүй.

- Өнөөгийн Хобби гэдэг бол зүгээр л донгууд юм.

Г.Лхагва "Оршихуйн түгээмэл хуулиуд ба хүмүүний амьдралын талаар" ярианаас... 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.