Исгэлэн хэрнээ амтлаг интоорын ач тус

Twitter Print
2016 оны 06-р сар 19-нд 11:00 цагт
Мэдээний зураг,

Хамгийн “романтик” жимс гэгддэг, исгэлэн хэрнээ чихэрлэг амттай интоор хэмээх жимсэнд чухам юу юу агуулагддаг юм бол оо? Энэ асуултын хариулт нь тун гайхширмаар.

Интоор нь тархи, зүрх, нүд, ходоод гээд хамаг л эд эрхтэнд сайнаар зогсохгүй өвчин зовиурыг ч намдааж, арьс үсийг гэрэлтүүлэн залуужуулах увидастай аж. Тэгвэл интоорыг хэр хэмжээнд хэрхэн хэрэглэвэл зохилтой талаар болон бусад дэлгэрэнгүй тайлбарыг дараах нийтлэлээс хүлээн авна уу.

Эрч хүчийг нэмэгдүүлнэ 

Интоор нь хүний биеийн эрч хүчийг гайхалтайгаар сэлбэж өгдөг. Интооронд агуулагдах илчлэг нь цусан дахь сахарын төвшинг нэмэгдүүлснээр эрч хүчтэй мэдрэмж төрүүлдэг байна. Тиймээс хэрэв танд нэг л ядарсан, залхуутай мэдрэмж төрөөд байвал бага хэмжээний интоор идээд л бие махбодоо сэргээж, ажиллах эрч хүчээ сэлбэх боломжтой. 

Сайн унтаж амрахад тусална

Хэрэв та нойргүйдлийн өвчнөөр шаналдаг бол интоорыг орой бүр тогтмол идсэнээр сайн унтаж амарч чадна. Нойр хулжсан үед эм уух гэж адгалгүйгээр интоор идэж заншвал элдэв сөрөг нөлөөгүй байгалийн эмчлэгч болох юм.

Нүдний хараанд сайн 

Интоорын бас нэгэн итгэмээргүй давуу тал нь нүдний харааг сайжруулах увидас билээ. Учир нь энэ жимс нүдний хараанд сайн нөлөөтэй А витамин болон бусад амин дэмүүдээр баялаг. Мөн А витамины нэг бүрэлдэхүүн хэсэг болох ретинол нь арьсанд маш сайн ажээ. Интоорны А витамины агууламжийн төвшин нь гүзээлзгэнэ, нэрс зэргийн бусад жимснээс бараг 20 дахин их юм. 

Хорт хавдраас урьдчилан сэргийлнэ 

Интоор бол хорт хавдраас урьдчилан сэргийлдэг байгалийн хүчтэй хамгаалагч юм. Өөрөөр хэлбэл антиоксидантаар баялаг энэ жимсийг тогтмол идсэнээр биеийн эсэргүүцэл сайжирч, өвчинд өртөх магадлал буурдаг байна.

Хоол боловсруулалтыг сайжруулна 

Интооронд их хэмжээгээр агуулагддаг эслэг нь таны хоол боловсруулалтын системийг дэмжихэд ихээхэн тустай. Өдрийн хэрэгцээт эслэгээ авахын тулд нэг атга интоор идчихэд л хангалттай. 

Өвдөлтийг намдааж хаван буулгана 

Интооронд агуулагддаг антоциан нь өвдөлтийг намдаахад тустайгаас гадна биеийн хаванг буулгаж өгдөг. Усан хаван болон хуянтай хүмүүст эм тариа хэрэглэхийн оронд интоорыг туршаад үзэхийг зөвлөе.

Шөрмөс татахаас сэргийлдэг 

Гадил жимс калигаар баялаг ч уг жимсэнд дургүй хүн калигаа интоороор нөхөж болдог. Кали нь булчинг суллаж тайвшруулах үйлчилгээтэй учраас дасгал хийхийн өмнө ба дараа интоор идвэл тустай. Мөн сарын тэмдгийн үеийн өвдөлтийг интоор намдаах чадалтай. 

Тархины үйл ажиллагааг идэвхжүүлнэ 

Интоорыг “тархины тэжээл” гэж нэрлэх болсны учир нь түүнд агуулагдах антиоксидант болон антиоцинтай холбоотой. Эдгээр элементүүд тархины үйл ажиллагааг дэмжсэнэээр амархан мартах асуудлыг шйидвэрлэж өгөхөөс гана сэтгэн бодох чадварт эерэг нөлөө үзүүлдэг.

Зүрхэнд сайн 

Зүрхний эрүүл мэндэд хамгийн чухал зүйл бол зөв хооллолт. Хэтэрхий хожимдохоос нь өмнө зүрхэндээ анхаарал тавьж, тогтмол анхаарч байх хэрэгтэй. Түүнчлэн эрүүл зөв хооллолтын тань цэсэнд интоор жимс багтсан байвал зохилтой аж. 

Үрэвслийн эсрэг үйлчилгээтэй 

Интоорын үрэвслийн эсрэг үйлчилгээ нь үе мөчний өвчтэй хүмүүст хамгийн хэрэгцээтэй. Өдөрт 3 удаа интоор идэх нь хуян хөөрөх, үе мөч шархирах, үрэвсэх зэрэг өвчнүүдээс сэргийлж өгдөг.

www.mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.