УИХ-ын гишүүн С.Жавхлан МАХН-д дахин элссэн үү

Twitter Print
2019 оны 09-р сар 13-нд 14:59 цагт
Мэдээний зураг,

2016 оны УИХ-ын сонгуульд 54 тойрогт бие даан нэр дэвшиж ялалт байгуулсан С.Жавхлан МАХН-д хоёронтоо элссэн тухай УИХ-ын гишүүн О.Баасанхүү твиттер сүлжээнд мэдээлжээ.

Тэрбээр “За ингээд манай ширээний анд, бие даагч С.Жавхлан маань албан ёсоор хоёр дахь удаагаа намын гишүүн боллоо. Баяр хүргэе. Өмнө нь МАХН-ын гишүүнээс татгалзаж байсан. Мэдээж Х.Баттулга хуруу шилний намаа МАХН-ы бөөрөнд наах байх. Тиймээс дургүй ч гэсэн МАХН-ын гишүүн хоёр дахиа болох нь дээ” хэмээн бичсэн  байна.

С.Жавхлан гишүүн энэ оны тавдугаар сард УИХ-ын гишүүн Ж.Батзандан, Л.Болд нарын ШИНЭ намд элсэхээр болсон тухайгаа мэдэгдэж байсан. Гэвч, түүнээс хойш нэг ч удаа тус намын гишүүдтэй хамт мэдээлэл хийгээгүй юм. Одоогоор энэ талаар С.Жавхлан ямар нэг тайлбар хийгээгүй байгаа бөгөөд О.Баасанхүү гишүүн твиттер дэх жиргээгээ устгасан байна.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.