ШИНЭ /Шударга иргэдийн нэгдсэн эвсэл/ намыг Улсын Дээд Шүүх өнөөдөр бүртгэж авлаа

Twitter Print
2019 оны 09-р сар 12-нд 15:20 цагт
Мэдээний зураг,

УИХ-ын гишүүн Ж.Батзандан, Л.Болд нарын санаачлан өнгөрсөн гуравдугаар сард байгуулсан ШИНЭ /Шударга иргэдийн нэгдсэн эвсэл/ намын хүсэлтийг Улсын Дээд Шүүх өнөөдөр хэлэлцэж бүртгэж авлаа. Тус нам Монголын улс төрийн 34 дэх намаар ийн бүртгэгдэж байна.

Хэлэлцүүлгээр, хүсэлт гаргагчаас ирүүлсэн баримт болон намын дүрэм, мөрийн хөтөлбөр нь Үндсэн хууль, Улс төрийн намын тухай хууль, Хуулийн этгээдийн улсын бүртгэлийн тухай хуульд нийцсэн гэж Дээд шүүх үзжээ.

Ингэснээр дээрх “Шударга иргэдийн нэгдсэн эвсэл“ нам Монгол Улсад улс төрийн ажил явуулах эрхтэй болж байгаа бөгөөд Үндсэн хууль, Улс төрийн намын тухай хууль болон бусад хуульд нийцүүлж ажиллахыг Дээд шүүхээс тус намд даалгасан байна.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.