Жүдогийн шигшээ багийн дасгалжуулагчид бүрэн бүрэлдэхүүнээрээ ажлаа өглөө

Twitter Print
2019 оны 09-р сар 11-нд 19:41 цагт
Мэдээний зураг,

Энэ жилийн ДАШТ-ээс  ганц хүрэл медаль хүртсэн амжилт гаргасан Монголын жүдогийн шигшээ багийн дасгалжуулагчид хариуцлага хүлээн, бүрэн бүрэлдэхүүнээрээ ажлаа өгчээ.

Жүдо бөхийн насанд хүрэгчдийн ДАШТ Япон улсын нийслэл Токио хотын “Будокан” ордонд найм хоногийн турш үргэлжилсэн бөгөөд манай тамирчид өнгөрсөн жилүүдээс  тааруу амжилт үзүүлэн нэг хүрэл медаль хүртсэн амжилттайгаар өндөрлүүлсэн юм. Үүний дараа Монгол Улсын Ерөнхийлөгч, Монголын жүдо бөхийн холбооны Ерөнхийлөгч Х.Баттулга шигшээ багийн дасгалжуулагчдыг хариуцлага хүлээн ажлаа өгөхийг хүсчээ.

Энэ дагуу дасгалжуулагчид бүрэн бүрэлдэхүүнээрээ ажлаа өгсөн байна. Жүдогийн шигшээ багийн ахлах дасгалжуулагчаар Ардын багш, Хөдөлмөрийн баатар О.Балжинням, Гавьяат тамирчин Х.Эрдэнэт-Од, Гавьяат тамирчин Д.Баттулга, Гавьяат дасгалжуулагч Ш.Цэвэлмаа, ОУХМ Г.Дашдаваа, япон дасгалжуулагч Торий Томоо нар ажилладаг байна. Монголын жүдогийн шигшээ баг 2017 оны ДАШТ-ээс зургаан медаль хүртэн, түүхэн амжилт гаргаж байжээ.

А.Алтанчимэг 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.