Хятадад төрөлт буурснаас төрөх эмнэлгүүд хаалгаа барьж байна

Twitter Print
2023 оны 10-р сар 08-нд 13:28 цагт
Мэдээний зураг,

Хятадад зарим эмнэлгүүд эх барих, төрөхийн тасгуудаа хаажээ. БНХАУ-ын Жэжянь, Жянсү, Гуандун мужийн хэд хэдэн эмнэлэг эх барих, төрөхийн тасгаа цомхотгож эсвэл бүр мөсөн хаасан байна. Үүнийг олон улсын ажиглагчид тус улсад төрөлтийн тоо эрс багассантай холбон тайлбарлаж байна.

2022 онд БНХАУ-д нийт 9.56 сая төрөлт бүртгэгдсэн нь 2021 оныхоос 10 хувиар буурсан үзүүлэлт болж, 1961 оноос хойш хүн амын тоо нь анх удаа буурсан юм. Хүн амд тулгарсан эдгээр асуудлуудаас болж Хятадын хүн ам хурдацтай хөгширч, эдийн засгийн өсөлт нь зогсонги байдалд орох эрсдэл үүсээд байгаа юм.

Бээжингийн зүгээс эмнэлгүүд эх барих, төрөхийн тасгуудаа хааж байгааг төрөлтийн тоо буурсантай холбоогүй гэж тайлбарлаж байна.

Өнгөрсөн 4-р сард Гуанши мужийн эрүүл мэндийн төв бүс нутагт нь өндөр эрсдэлтэй жирэмслэлт нэмэгдсэнтэй холбоотойгоор эх барих тусламж үйлчилгээ үзүүлэхээ зогсоохоо мэдэгдсэн бол өнгөрсөн сард Нинбо хотын Инжоу дүүргийн эмнэлэг жирэмсний үзлэг оношлогоо хийхээ зогсоож байгаагаа мэдэгджээ.

Нинбо хотын эрүүл мэндийн товчоо тус эмнэлгийн эх барихын тасаг Нинбо их сургуулийн Ардыг эмнэлгийн дэргэд шинээр нээгдсэн хүүхэд, эмэгтэйчүүдийн эрүүл мэндийн төвд үйлчилгээ үзүүлж эхэлсэн, Инжоу дүүрэгт 2022-2023 онд эх барихын тасаг дахь орны тоо нэмэгдсэн болохыг онцолжээ. Зарим эмнэлгүүд эх барих, төрөхийн тасгаа хаасан нь хүний нөөцийн хомстолтой холбон тайлбарлаж байгаа аж. Гуандун мужийн Хучжоу хотод хоёр эмнэлэг эх баригч, эмэгтэйчүүдийн эмчийн дутагдлаас болж шөнийн цагаар эмчилгээ үйлчилгээ үзүүлэхээ зогсоосон гэжээ.

Нөгөө талаас нийгмйин сүлжээнд иргэд эмнэлгүүд төрөхийн тасгуудаа хааж байгаа нь жирэмсэн эмэгтэйчүүд, нярай хүүхдүүдийн тоо буурсантай холбоотой гэж үзэж байгаагаа илэрхийлжээ.

Харбины төрөхийн эмнэлэгт ажилладаг эх барих их эмч Хятадын нэгэн хэвлэлд өгсөн ярилцлагадаа, "Өмнө нь 7-8, хааяа 10 төрөлт нэг өдөрт бүртгэгддэг байсан бол одоо хэдэн өдөрт ганц бүртгэгдэх нь хэвийн үзэгдэл болсон. Нэг өдөрт нэг төрөлт бүртгэгдвэл сайхан л байна." хэмээн ярьжээ.

Хятадын эрх баригчид Хятадын хүн амд тулгараад буй асуудлуудыг шийдэхийн тулд 2016 онд нэг хүүхдийн бодлогоо цуцалж, 3 хүртэлх тооны хүүхэд төрүүлэхийг зөвшөөрсөн юм. Орон нутгийн удирдлагууд тус бүр хүүхэдтэй болсон хосуудад мөнгөн урамшуулал амлаж эхэлсэн билээ. Гэсэн ч эдгээр шийдлүүд нь төрөлтийн тоонд нөлөө үзүүлж, 2016 оноос хойш өнөөдрийг хүртэл тус улсад төрөлтийн тоо 2 дахин буураад байна.

Бүсгүйчүүд хүүхэд өсгөх нь эдийн засгийн хувьд асар өндөр зардалтай мөн хүүхэд төрүүлэх хугацаандаа ажил хөдөлмөрийн хувьд өсөн дэвжих боломжоо алддаг учраас хүүхэдтэй болох тэр ч бүү хэл гэрлэхээс зайлсхийх болжээ.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Шаачий

      (66.181.177.58) 2023-10-09 18:04
      • 0
      • 0

      Хүний амжиргаа төвшин хангалуун болоод ирхээр эр эмгүй хүүхэдтэй болох сонирхолгүй болдог

      Хариулах

    • b

      (202.179.21.248) 2023-10-09 16:14
      • 0
      • 0

      mnl-d l sain biz yavaandaa daaisnii too bagasaad gazar nutgiig mini taivan orhih bolno doo

      Хариулах