Өсвөр насны охидын балетаар хичээллэх зургаан ач холбогдол

Twitter Print
2020 оны 05-р сар 25-нд 09:50 цагт
Мэдээний зураг,

Өсвөр насны хүүхдүүд нь амьдралынхаа энэ цаг үе дээр өөрийгөө илүү олж, нээх заримдаа шинэ зүйлсийг хийж турших маш их хүсэл эрмэлзэлтэй байдаг байна.

Балет нь өсвөр үеийн охидын хөгжилд чухал ач холбогдолтой тул өсвөр насны балетын ангид суралцах 6 ач холбогдолыг энэ удаад та бүхэнд танилцуулж байна.

1. Ой тогтоолтыг хөгжүүлэх- Балетын хичээл нь тархины санах ой болон булчингийн санах ойтой зэрэг явагдснаараа санах ойг илүү идэвхжүүлдэг. Хичээл бүр дээр байнга шинийг суралцаж байдаг тул байнга цээжлэх хэрэгтэй болдог. Энэ нь тэдний хичээл дээр үргэлж оюуны бөгөөд биеийн хүчний дасгал болж өгдөг юм. Өсвөр насныхны хувьд энэ нь тэдэнд шалгалт өгөх, урт хугацааны ой санамжийг бий болгоход тусалдаг байна.

2. Өөрийгөө үнэлэх-Өөртөө итгэх итгэлийг нэмэгдүүлэх

Ахлах сургуульд сурч буй өсвөр насны хүүхдүүд ихэвчлэн үе тэнгийнхэн эсвэл найз нөхдөөсөө өөрийгөө доогуур үнэлж байдаг. Бүжиглэх нь өсвөр насныханд өөртөө итгэх итгэл, өөрийгөө үнэлэх үнэлэмжийг бий болгоход тусалдаг байна. Тэд бусдын өмнө бүжиглэж байх үедээ өөртөө итгэлгүй байх нь алдаа гаргах магадлалыг ихээр нэмэгдүүлдэг.

Ballerina female. young beautiful woman ballet dancer, dressed in ...

3. Нийгэмтэй чөлөөтэй харилцах ур чадварыг бий болгодог

Өөрийн үеийн бусад хүүхдүүдтэй хамтдаа суралцсанаар тэдэнтэй хамтарч дасгалаа хийн, бүжиглэж , нөхөрлөж мөн багшдаа өөрийгөө чөлөөтэй ойлгуулж суралцхад ач холбогдолтой.

4. Хүссэн зүйлийнхээ төлөө шаргуу суралцаж, өөрийгөө дайчлах тэвчээр хатуужилтай болгох

Бүжгийн хөдөлгөөнийг зөв, илүү төгс төгөлдөр лүү тэмүүлж хийхийг хүсвэл эхлээд дасгал сургуулилтаа маш сайн тууштай хийх хэрэгтэй. Энэ нь өсвөр насны хүүхдүүдэд зөвхөн бүжгийн хичээл дээрээ бус бүх чиглэлд тэвчээр хатуужилтай, тууштай байж амжилт гаргах эх үүсвэрийн эхлэл болно.

5. Булчин болон биеийн хөгжил, уян хатан байдал. - Өсвөр насныханы гар, хөл, хэвлий дэх булчингийн хүч, уян хатан чанартаа энэ үеэс анхаарч эхлэх нь зүйтэй бөгөөд балетаар хичээллэснээр хөдөлгөөний дутагдал, өсөлт, нурууны бөгтөр, буруу алхаа гишгээ гэх зэргийг засах боломжтой.

6. Сахилга бат - Өсвөр насныхан хүссэн үедээ хүссэн зүйлээ хийж бие даасан байхыг хүсдэг. Бүжгийн хичээл дээр заасан сахилга бат нь өсвөр насныханд эрүүл, хараат бус байхыг сурахад тусалдаг. Бие дааж сурах нь тийм ч муу зүйл биш юм. Гэхдээ үүнийг зөв хийх нь өсвөр насныхан болон тэдний эцэг эх, найз нөхөд, бусад хайртай хүмүүсийн хоорондын харилцаанд тустай болно.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.