Налайх чиглэлийн автозамыг нээлээ

Twitter Print
2019 оны 11-р сар 04-нд 12:50 цагт
Мэдээний зураг,

Налайх-Чойрын уулзвар хүртэлх чиглэлийн замын хөдөлгөөнийг өнөөдөр нээлээ. 

Нийслэл Улаанбаатар хотын авто замын сүлжээг өргөтгөж, замын хөдөлгөөний нэвтрүүлэх чадварыг дээшлүүлж, түгжрэлийг бууруулах зорилгоор Гачууртын уулзвараас Налайх-Чойрын уулзвар хүртэлх 20.9 км авто замыг Бүгд Найрамдах Хятад Ард Улсын хөнгөлөлттэй зээлийн хөрөнгөөр 2 урсгалтай, 4 эгнээ бүхий авто зам болгон өргөтгөж, шинэчлэхээр төлөвлөсөн бөгөөд барилгын ажлыг 2019 оны 4 дүгээр сарын 20-ны өдрөөс эхлүүлж, өнөөдөр авто замын зорчих хэсгийг дуусгаж, тээврийн хэрэгслийн хөдөлгөөнийг нээлээ. 

Налайхын замын үндсэн хөдөлгөөнийг өнөөдрөөс нээснээр зүүн бүсийн замын хөдөлгөөний эрчим нэмэгдэнэ гэж тооцож байгаа юм. Уг зам нь бетонон тусгаарлах зурвастай, сөрөг хөдөлгөөнтэй 4 эгнээ авто зам бөгөөд хуучин товчоо болон Хонхор тосгон руу эргэх Т хэлбэрийн уулзвартай, хуучин товчооны уулзвар нь гэрэл дохиотой, буцаж эргэх 5 хэсэгтэй, явган хүний 5 гарцтай, гэрэлтүүлэгтэй. 

Төслийн хүрээнд :

20.9 км авто зам, 38 байршилд ус зайлуулах хоолой

3 байршилд нүхэн гарц, Хөлийн голын 20.75 у/м гүүр

5 байршилд явган хүний гүүрэн гарц, явган хүний зам, дугуйн зам баригдахаас

38 байршилд ус зайлуулах хоолой,Хөлийн голын 20.75 у/м гүүрийн ажлууд бүрэн дуусчээ.

Сонирхуулахад, Гачууртын уулзвараас Налайх-Чойрын уулзвар хүртэлх 20.9 км, 2 эгнээ, 7 м өргөнтэй зорчих хэсэг бүхий, цементбетон хучилттай авто замыг БНМАУ, БНХАУ-ын Засгийн газар хоорондын 1956 оны хэлэлцээрийн хүрээнд 1958-1959 онуудад Хятадын зам барилгын компани барьж ашиглалтад оруулсан байдаг.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.