Хүүхдийн спортын VI наадмын чөлөөт бөхийн тэмцээн эхэллээ

Twitter Print
2019 оны 09-р сар 11-нд 12:10 цагт
Мэдээний зураг,

Монголын хүүхдийн спортын VI наадмын чөлөөт бөхийн төрөл өнөөдөр Батлан хамгаалах яамны “Алдар” спорт хорооны зааланд эхэллээ. Тэмцээнд 20 аймаг (Баян-Өлгийгөөс бусад), нийслэлийн есөн дүүргээс шалгарсан тамирчид хөвгүүдийн 45, 48, 51, 55, 60, 65, 71, 80, 92, 110, охидын 40, 43, 46, 49, 53, 57, 61, 65, 69, 73 кг гэсэн нийт 20 жинд өрсөлдөж байна.

Тэмцээнд “Софи-2019” өсвөр үеийн ДАШТ-ий хүрэл медальт М.Мөнхгэрэл, өсвөр үеийн Азийн аварга Б.Марал, өсвөр үеийн Азийн АШТ-ий мөнгөн медальт Г.Намуунцэцэг, хүрэл медальт Г.Отгонбаатар, Т.Алтжин, Б.Дэлгэрцэцэг тэргүүтэй Монголын чөлөөт бөхийн ирээдүйн залгамж халаа болсон тамирчид хүч үзэж байна.

Эхний өдөр хөвгүүдийн 45, 51, 60, 71, 92, охидын 40, 46, 53, 61, 69 кг-ын жингийн урьдчилсан болон хагас шигшээ барилдаан боллоо. Дээрх жингүүдийн шигшээ барилдаан маргааш болох юм.

ЭХНИЙ ӨДРИЙН ШИГШЭЭД ШАЛГАРСАН ТАМИРЧИД

Хөвгүүдийн 45 кг: Г.Балдорж (Увс) - Ц.Баярсайхан (Налайх)

51 кг: Э.Энхболд (Төв) - Б.Баяр (Дорноговь)

60 кг: П.Мөнх-Эрдэнэ (Баянхонгор) - Я.Үржинжав (Сүхбаатар дүүрэг)

71 кг: Т.Балжинням (Сүхбаатар дүүрэг) - А.Цэрэн-Очир (Хэнтий)

92 кг: М.Гантогтох (Увс) - Ц.Мөнхбаяр (Сүхбаатар дүүрэг) Охидын

40 кг: М.Номин-Эрдэнэ (Сүхбаатар дүүрэг) - Б.Отгонзаяа (Увс)

46 кг: А.Энэрэлт (Говь-Алтай) - Г.Оюундарь (Архангай)

53 кг: М.Мөнхгэрэл (Сонгинохайрхан) - Б.Ганцэцэг (Дархан-Уул)

61 кг: Б.Марал (Сүхбаатар дүүрэг) - Б.Сансармаа (Архангай)

69 кг: А.Даваажаргал (Налайх) - Г.Намуунцэцэг (Архангай) зэрэг тамирчид зодоглоно.

А.Алтанчимэг 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.