Усны үнийг ялгавартайгаар нэмэх шаардлагатай гэв

Twitter Print
2013 оны 12-р сар 03-нд 10:49 цагт
Мэдээний зураг,

Нийслэлийн удирдлагын зөвлөлийн ээлжит хуралдаан өчигдөр болсон. Хурлаар Ус сувгийн удирдах газрын алдагдал, зээлийн өр, усны үнийн тухай асуудлыг хэлэлцжээ.

Өнгөрсөн хугацаанд ус сувгийн удирдах газар Дэлхийн банкны зээл, зээлийн хүүгийн өрөнд 71,6 тэрбум төгрөг, Төв цэвэрлэх байгууламжийн тоног төхөөрөмжийг сайжруулах Испанийн вант Улсын зээлийн хүүгийн өрөнд 44.2 тэрбум төгрөг гээд нийт 115,7 тэрбум төгрөгийг зээлийн хүүнд төлөх шаардлагатай байна. Энэ өрнөөс 40,6 тэрбум төгрөг нь зээлийн хугацаа хэтэрсэн өр байгаа гэнэ.

Ус сувгийн удирдах газар нь нийслэлийн 1,2 сая иргэн аж ахуй нэгж, байгууллагыг цэвэр, бохир усаар хангах үйл ажиллагааг  хариуцдаг. Олон жилийн өр, зээл, торгууль  алдагдалтай ажиллагаанаас болж санхүүгийн хувьд хүндхэн байдал орсон гэнэ. Цаашид зээлийн хүүг яаралтай шийдвэрлэхгүй бол өдөр бүр хүүгийн торгууль тооцогдож байгаа аж. Тиймээс усны ашиглалтын тарифыг ялгавартайгаар нэмэх шаардлагатай байгаа гэдгийг ус сувгийн удирдах газраас хэлж байгаа юм. “Цэвэр, бохир усны тарифт өөрчлөлт оруулахдаа нэг зарчим, томъёо, үндэслэлийг баримтлах, усны талаар нэгдсэн бодлоготой болох шаардлагатай гэж үзсэн байна. Ус сувгийн удирдах газраас тавьсан хоёр саналыг Монгол Улсын Засгийн газарт оруулж, ШӨХТГ-аас гаргасан хууль бус шийдвэрээс үүссэн алдагдал, хохирлыг чухам аль газар барагдуулах талаар хуулийн байгууллагад хандан тогтоолгох” шийдвэрийг гаргажээ.

Таван жилийн турш өөрчлөгдөөгүй үнийн санал нь жил тутам 10 орчим тэрбум төгрөгийн алдагдалд хүргэдэг байна.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.