Инээмсэглэл өөрөө хүндлэл учраас уурссан царайгаа гээ

Twitter Print
2019 оны 09-р сар 10-нд 18:40 цагт
Мэдээний зураг,

*Би нүүрээ будсан бүсгүй бүрийг хүндэлдэг. Учир нь над шиг залхуу нь 30 минут нэмж унтаад будаггүй гардаг...Натурал байх нь хавьгүй дээр гэж өөрсдийгөө өмөөрөвч үнэндээ нүүрээ будсан бүсгүй бүр таныг - бусдыг хүндлээд өөртөө цаг зарцуулсан байдгийг нь сана.

*Гуалиг биетэй ээжийг, эмэгтэйг хараад үгийн муухайгаар хараах хэрэггүй. Тэд танаас цагийн өмнө босож дасгалаа хийж өдрийг эхлүүлдэг... Хөл, өгзөг хийсний дараа шатаар өгсөх нь битгий хэл нэг алхах нь ч маш их өвддөг ч яаая гэж дуугардаггүй тэр бүсгүйг хүндэл.

*Оффист ажиллан, костюм пиджакаар бие ээ чимсэн эмэгтэйг ихэмсэг гэж бүү гоочил. Тэр л оффист үлдэхийн тулд шөнө дөл хүртэл төсөл дээр суун, үүрийн таван жингээр хувцсаа толийтол индүүдээд гардаг тэдэнд хувийн амьдралдаа зарцуулах цаг хомсхон байдгийг ухаарч хүндэл.

*Сайн байна уу гээд өдөр бүр инээмсэглэх тэр л эмэгтэйд хувийн зовлон байвч танд нялзаахгүй мэндлээд өнгөрөхөд нь хүндэл.

*Найз минь чамд зориулсан бяцхан бэлэг гээд өгөх найзыгаа баяндаа биш сэтгэлтэй дээ гэдгийг нь анзаарч өөрийгөө нэг дүгнэ.

*Сайн үйлс, бусдын төлөө зүрхээ цохилуулах нэгнийг хардаж битгий зовоо. Цаг хугацаа угаасаа үнэн төрхийг харуулдаг.

*Бусдын сурсан эрдмийг зөвхөн диплом ш дээ гэж доош хийх хэрэггүй. Тэр дипломыг авах шалгалт бүрийн хойно нойргүй шөнүүд, зуу зуун цагаан үс инээмсэглэн гараа даллан үлддэг.

*Инээмсэглэл өөрөө хүндлэл учраас уурссан царайгаа гээн хүмүүжлээрээ биеэ чимэн, үнэнч зангаар сэлүүр хийн, мэдлэгээ луужин болгож холын замд гарцгаая!

П.Пүрэвсүрэн

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.