Зүүн Азийн залуус 2023 онд Улаанбаатарт чуулна

Twitter Print
2021 оны 01-р сар 20-нд 16:23 цагт
Мэдээний зураг,

МҮОХ-ны Ерөнхийлөгч Н.Түвшинбаяр "Улаанбаатар спорт менежмент" ХК-ийн газрын дарга Ц.Бат-Энх тэргүүтэй төлөөлөгчдийг хүлээн авч уулзан, "Улаанбаатар-2023" Зүүн Азийн залуучуудын анхдугаар спортын наадмыг зохион байгуулах асуудлыг хэлэлцэв.

Монгол улс уг наадмыг зохион байгуулах эрхийг 2017 онд хүртэн, Зүүн Азийн наадмын холбоо (EAGA), Улаанбаатар хот, Монголын Үндэсний Олимпийн Хорооны гурван талт гэрээнд Тайжүн хотноо албан ёсоор гарын үсэг зурсан юм. Дээрх наадамд тус бүс нутгийн БНХАУ, БНАСАУ, БНСУ, Тайвань, Макао, Хонконг, Япон, Монголын (Гуам арал урилгаар) 14-18 насны залуучуудын баг тамирчид спортын 12 төрлөөр өрсөлдөнө.

"Улаанбаатар-2023" Зүүн Азийн Залуучуудын наадмыг зохион байгуулах хороо удахгүй байгуулагдан, бэлтгэн ажилдаа ханцуй шамлан орох юм. Дашрамд дурдахад Зүүн Азийн наадам нь Шанхай хотод 1993, Бусан 1997, Осака 2001, Макао 2005, Хонконг 2009, Тяньжинь 2013 онд тус тус зохиогдсон билээ.

Эх сурвалж: МҮОХ

 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.