Т.Бадрал: Энэ цаг үеэс гадны улсын иргэдийг хүлээж авахгүй

Twitter Print
2020 оны 03-р сар 16-нд 12:24 цагт
Мэдээний зураг,

Улсын Онцгой комиссын даргын тушаалаар байгуулагдсан Шуурхай штабаас цаг үеийн асуудлаар мэдээлэл хийлээ.

Энэ үеэр ОБЕГ-ын дарга Т.Бадрал "Шуурхай штаб дээр ажиллаж буй баг төлөвлөгөөний дагуу ажилласаар байна. Гадаадад байгаа монголчуудаа татаж авах ажлыг үргэлжүүлж байна. Өнөөдөр нэг онгоц бууна. 18-нд Туркийн Истанбулаас нэг онгоц хүлээж авна. Одоо цаг үе ярвигтай нөхцөл байдалд шилжиж байх шиг байна.  

Өвчний халдвар бүртгэгдсэн улсын тоо 150 болчихлоо. Испанид л гэхэд 46 хүн гэрийн хорионд орсон байна. АНУ гадаадын иргэдийг авахгүйгээс гадна өөрсдийнхөө иргэдийг авахгүй гэдгээ зарласан гэх мэт гадны улсууд хариу арга хэмжээгээ авч ажиллаж байна. Монгол Улсын хувьд нөхцөл байдал ямар байгааг та бүхэн мэдэж байгаа. Цаашид бид олон удаа онгоц хүлээж авахад их төвөгтэй болж байна.

Иймд энэ цаг үеэс эхлэн гадны улсын иргэдийг хүлээж авахгүй гэдгээ хэлье. Гадаадад нөхцөл байдал хүнд боллоо. Тэр дундаа Европт нөхцөл байдал хүндэрч байна. Тэр хэмжээгээр бидний эрсдэл өдрөөс өдөрт нэмэгдэж буйг та бүхэн мэдэж байгаа” гэлээ.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.