Өсвөрийн жүдочид тивийн аваргаас медалийн ургац хураалаа

Twitter Print
2014 оны 12-р сар 13-нд 16:55 цагт
Мэдээний зураг,

Азийн залуучуудын найм дахь удаагийн жүдо бөхийн тэмцээн Хонгконг улсад болж байна. Энэ удаа манай улсаас охидын 48 кг-ын жинд хүч үзсэн Өвөрхангай аймгийн харьяат Б.Хорлоодой алтан медаль хүртэж, тивийн аварга боллоо. Мөн хөвгүүдийн  81 кг-д барилдсан ОБЕГ-ын тамирчин Булган аймгийн Хишиг-Өндөр сумын харьяат Б.Түвшинтөгс, охидын 40 кг-д хүч үзсэн Архангай аймгийн харьяат С.Отгонсүрэн нар хүрэл медаль хүртлээ.

Тэмцээний эхний өдөр буюу өчигдөр +70 кг-д барилдсан Орхон аймгийн харьяат "Ирээдүй-Одод" сургуулийн тамирчин Б.Уранбилэг алт, хөвгүүдийн 55 кг-ын жинд хүч үзсэн Булган аймгийн харьяат, Женко клубын тамирчин Б.Баяраа, охидын 70 кг-д барилдсан Төв аймгийн харьяат, “Боржин” дэвжээний тамирчин М.Даваасүрэн нар мөнгөн медалийн эзэд болж, бахархам амжилт гаргасан юм.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.