Хакухо Японы хамгийн том усан онгоцоор аялж байна

Twitter Print
2014 оны 12-р сар 14-нд 15:09 цагт
Мэдээний зураг,

Японы мэргэжлийн сумогийн хамгийн дээд оргилд нь хүрэхэд ганцхан түрүү дутуу байгаа 69 дэх ёкозүна Хакухо олны анхаарлын төвд байгаа. Алдарт их аварга Тайхогийн 32 удаа түрүүлсэн амжилтыг эвдэхэд тун ойрхон ирсэн түүний үйл хөдлөл бүрийг Японы сэтгүүлчид мөр алдалгүй дагаж байна.

Гэхдээ манай их аварга сумогийн бүхий л ёс заншлыг алдаа эндэгдэл гаргалгүй дагаж мөрддөг учир сэтгүүлчид өөр чиглэлээр бичих болсон. Үүний нэг нь Хакухогийн хөрөнгө орлогын хэмжээ юм. Их аваргын цалин, амьдардаг байр, рекламнаас олдог орлого, давааны шагнал зэрэг бүх мэдээллийг саяхан нийтэд дэлгэсэн. Тэдний олж мэдсэнээр Хакухо Монгол мөнгөөр 400 тэрбум төгрөгтэй тэнцэх хөрөнгөтэй юм байна.

Энэ оны сүүлийн башёд 32 дахь удаагаа түрүүлсэн Хакухог тус улсын үйлдвэрлэсэн хамгийн том усан онгоц болох “Аска-2”-ын аялалд явахыг урьсан аж. Мөн экс озэки Кайо, Мусояма, одоо барилдаж буй озэки Кисэносато, комүсүби Икиой, Тоянашима нар аялалд явж байгаа гэнэ. Дээрх онгоц нь Ёкохамагийн боомтоос 750 зорчигчтой хөдөлжээ. “Аска-2” усан онгоц 50142 тоон жинтэй, 214 метр урт, 436 өрөөтэй, ресторан, баар, кинотеатр, бассейн, казино зэрэг үйлчилгээнүүдийг дотроо байрлуулсан байна. Япон төдийгүй дэлхийд өөрийн хүч чадлаа гайхуулан барилдаж буй Хакухотой хамт аялхаар маш их хүн билет захиалсан ч 750 зорчигч л хамрагджээ. Аялалын тасалбар нь 115000-52000 иен буюу Монгол мөнгөөр 1.8-8.1 сая төгрөгийн үнэтэй байсан гэнэ. Мөн усан онгоцны тасалбарыг ирэх оны нэгдүгээр сарын хацу башёг үзэх билет дагалдаж очсон аж.  “Аска-2” усан онгоц хоёр хоног аялж, зорьсон газартаа хүрэхээр төлөвлөжээ.

Энэ хооронд сумочид өөрийн намтар түүх, сонирхолтой барилдааны тухай зорчигч нартай ярьж байгаа тухаа мэдээллээ. Мөн их аварга Хакухо Миягино дэвжээнийхээ тусгай жороор хоол хийж аялагчдыг дайлсан байна. Энэхүү аялалыг Японы усан тээврийн газар болон сумо бөхийн холбоо хамтран зохион байгуулж байгаа юм байна.

 

Э.Гүнтөмөр

Эх сурвалж: www.crowdtokyo.com, www.sumodb.sumogames.de

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Дайчин Монгол

      (112.72.9.22) 2014-12-13 15:23
      • 0
      • 1

      Энэ Япончууд манай аваргыг далайд живүүлэхээр ийм юм зохион байгуулж байж мэдэх л юм шүү

      Хариулах

    • Зочин

      (103.229.122.132) 2014-12-13 23:16
      • 0
      • 0

      Хэ Хэ. Дайчин монгол чи нээрээ далайд бол ёстой шонгүй биз? Бусад газар бол алзахгүй дайчин биз дээ.

      Хариулах