Хүүхдээ аз жаргал дүүрэн өсгөхийн тулд аав ээжийн анхаарал 9 зүйл

Twitter Print
2020 оны 02-р сар 27-нд 10:57 цагт
Мэдээний зураг,

1. Хүүхэд санаатай, санаандгүй алдаа хийсэн ямар ч үед яаран гар далайж хашхиралгүй шалтгааныг нь сонсон яагаад буруу болохыг нь харилцан ярилцаж ойлголцож сурах.

2. Хүүхдэдээ амлалт өгчихөөд биелүүлж чадаагүй үедээ яаран шалтаг хэлж өөрийгөө өмгөөлөлгүй үнэн шалтгаанаа ойлгуулж уучлалт гуйх. Амлалтаа дараагийн удаа заавал биелүүлэх.

3. Үгүй гэж татгалзсан зүйлийг тань хэчнээн чарлаж нэхсэн ч яаран бууж өгөлгүй тууштай үгүй байх.

4. Хэчнээн уурлаж бухимдаж хоорондоо маргалдмаар байсан ч хүүхдийнхээ дэргэд яаран муудалцалгүй хором тэвчих.

5. Хүүхэд ямар нэг зүйлийг өөрөө хийж учрыг нь олох гээд удаан мунгинасан ч яаран урдуур нь оролгүй хүлээцтэй хандах. Алдсан байсан ч өөрөө оролдох нь чухал.

6. Гадны уур бухимдлаа гэртээ авч орохгүйн тулд яаран хаалгаа таталгүй гүнзгий амьсгаа авч, таныг хүлээх үрсээ төсөөлөөд инээмсэглэн ороорой.

7. Тан руу хандан ярьж байх үед нь яаран таслалгүй дуустал нь сайн сонсож дэмжиж өгөөрэй.

8. Хөршийн мундаг хүүтэй жишиж адилхан болгох гэж яаран бухимдалгүй, хүлээцтэйгээр дэмжиж өөрийгөө олоход нь туслаарай.

9. Хүүхдийнхээ дэргэд, гэр бүлтэйгээ байхдаа утсаа бага оролдоорой. Түүний оронд хүүхэдтэйгээ ярилцаарай.

kids happy with family-н зурган илэрц

Г.Төмөрзаяа

"Хөөрхөн шар шувуу" сургалт судалгааны төв 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.