“Европа лиг”-ийн шилдэг 32 багийн нэр тодорлоо

Twitter Print
2014 оны 12-р сар 12-нд 11:49 цагт
Мэдээний зураг,

Европын хөлбөмбөгийн холбооны “Европа лиг”-ийн тэмцээний 2014-2015 оны улирлын хэсгийн шат өндөрлөж байна. Урд шөнө болсон онцлох тоглолтууд нь Польшийн “Лига Варшав”-Туркийн “Трабзонспор” 2:0, Швейцарийн “Янг Бойз”-Румыний “Спарта Прага” 2:0, Германы “Вольфсбург”-Францын “Лилль” 3:0, Голландын “Фейноорд”-Белгийн “Стандарт Лига” 3:0, Италийн “Турин”-Данийн “Копенгаген” 5:1, Туркийн “Бешикташ”-Английн “Тоттенхэм Хотспур” 1:0, Хорватын “Динамо Загреб”-Шотландын “Селтик” 4:3, ОХУ-ын “Динамо Москва”-Голландын “ПСВ Эйндховен” 1:0-ээр тус тус хожсон бол Италийн “Интер Милан”-Азербайжаны “Карабак”-тай хуурай тэнцсэн байна.

Энэ улирлын хэсгийн шатанд өрсөлдсөн 48 багаас ОХУ-ын “Динамо Москва” ганцаараа зургаан тоглолтонд бүгдэд нь хожжээ. Манай хойд хөршийн баг Голландын “ПСВ Эйндховен”-ыг 1:0, 1:0, Грекийн “Панатинайкос”-ыг 2:1, 2:1, Португалын “Эсторил”-ыг 1:0, 2:1-ээр тус тус буулган авсан. “Европа лиг”-ийн хэсгээс шалгарсан 24 баг “Аваргуудын лиг”-ийн хэсгийн гуравдугаар байр эзэлсэн найман багтай нийлж, шөвгийн 32-ыг бүрдүүлж байгаа.

Энэ удаа цомын төлөө өрсөлдөх 32 баг нь Английн “Ливерпуль”, “Тоттенхэм Хотспур”, “Эвертон”, Италийн “Рома”, “Интер Милан”, “Наполи”, “Фиорентина”, “Турин”, Германы “Вольфсбург”, “Боруссия Мончебладхач”, Испанийн “Атлетик”, “Севилья”, “Вильяреал”, Голландын “Аякс”, “ПСВ Эйндховен”, “Фейноорд”, Туркийн “Бешикташ”, “Трабзонспор”, ОХУ-ын “Зенит”, “Динамо Москва”, Белгийн “Андерлехт”, “Брюгге”, Украйны “Динамо Киев”, “Днепр”, Францын “Жингамп”, Португалын “Спортинг”, Шотландын “Селтик”, Грекийн “Олимпиакос”, Австрийн “Зальцбург”, Швейцарийн “Янг Бойз”, Польшийн “Лига Варшав”, Данийн “Аалборг” нар юм.

Европа лигийн шөвгийн 32-ын тоглолт ирэх оны хоёрдугаар сарын 15, 26-нд, шөвгийн 16-гийн тоглолт гуравдугаар сарын 12, 19-нд, шөвгийн найм дөрөвдүгээр сарын 16, 23-нд, хагас шигшээ тавдугаар сарын 7, 14-нд явагдана. Харин финалын тоглолт 2015 оны тавдугаар сарын 27-нд Польшийн Варшав хотын үндэсний цэнгэлдэх хүрээлэнд болно.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.