”Боловсрол” суваг телевизийнхэн Хакухо Даваажаргалаас уучлал хүслээ

2014 оны 12-р сар 12-нд 10:48 цагт
Мэдээний зураг,

Монголын шоу нэвтрүүлгийн ертөнцөд хамгийн их шагналын сантай гэсэн тодотголтой нэвтрүүлэг мэндэлсэн нь “50 саяын уналт” шоу нэвтрүүлэг билээ.  “Боловсрол" суваг телевизээс бэлтгэн хүргэдэг тус нэвтрүүлгийн арванхоёрдугаар сарын 10-ний өдөр бэлтгэн гаргасан дугаарт "Эдгээр сумочдоос хэн нь иргэншилээ хэвээр хадгалж үлдсэн бэ?" гэсэн асуултын хариунд Японы сүмо бөхийн их аварга Хакухо М.Даваажаргалын нэрийг Монгол улсын иргэншлээ хэвээр хадгалан үлдээгүй, иргэншлээ сольсон сумо бөхчүүдийн нэрсэд багтаасан байжээ. Тиймээс "50 саяын уналт" нэвтрүүлгийн редактор болон хөтлөгч Д.Энхбаяр нарыг нэвтрүүлгийн асуултаа дахин хянаж үзэж, энэ дагуу яаралтай залруулга хийхийг тус холбооноос шаардсан. 

Шаардлагын хариуд “Боловсрол” суваг телевизийн удирдлага албан ёсоор залруулга хийж, уучлалт гуйсан байна. Залруулгад:

“Боловсрол суваг” телевизээс бэлтгэн хүргэдэг “50 саяын уналт” нэвтрүүлгийн 2014 оны 12-р сарын 10-ны дугаарт Японы сүмо бөхийн их аварга Хакухо М.Даваажаргалын нэрийг Монгол Улсын иргэншлээ хэвээр хадгалан үлдээгүй сумо бөхчүүдийн нэрсэд багтаасан нь ТАШАА МЭДЭЭЛЭЛ болохыг мэдэгдэж байна. Нэвтрүүлгийн асуулт зохиогч найдвартай бус эх сурвалжаас мэдээлэл авсан мэдээллийг бидний зүгээс бүрэн хянан шалгаагүй буруугаа хүлээж байна.

Иймээс их аварга Хакухо М.Даваажаргал болон тэдний гэр бүл, их аваргын мянга мянган шүтэн бишрэгч, сумо бөх сонирхогчид болон Монголын нийт үзэгчдээсээ уучлал гуйж байгааг хүлээн авна уу.

“50 саяын уналт” нэвтрүүлэг нь үзэгчдэд танин мэдэхүйн сонирхолтой мэдээлэл хүргэж, үр өгөөжтэй оюуны мэдлэг өгөхөөр хичээн ажилладаг билээ. Бид цаашдын дугаарууддаа дахин алдаа гаргахгүй байхыг хичээн, мөн улам бүр шинэ сонирхолтой, танин мэдэхүйн ач холбогдолтой асуултуудыг нэвтрүүлгээрээ хүргэж байх болно" гэжээ. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Carlynda

      (188.143.232.32) 2016-12-21 10:49
      • 0
      • 0

      Those are some excellent links, &#12a6;guit8rman uk’. Thanks, I’m gonna spread these all over the place!Also, the predicament JEWRY has created for itself is NOT the responsibility of guys like Incogman. There is no reigning in what the JEW has started.Just keep spreading the truth!

      Хариулах