БНХАУ тамхинд татвар нэмнэ

Twitter Print
2014 оны 12-р сар 12-нд 08:21 цагт
Мэдээний зураг,

БНХАУ тамхи татдаг хүмүүсийн тоог бууруулахын тулд тамихины татвар болон үнийг нэмэх асуудлыг авч хэлэлцэж байна гэж албаныханэ мэдэгджээ. Тус улсын Эрүүл мэнд, гэр бүл төлөвлөлтийн комиссын мэргэжилтэн Яо Хонвэнийн хэлснээр, олон нийтийн эрүүл мэндийг хамгаалах арга замын хүрээнд тамхины татварыг нэмэхээр тус комисс бусад агентлагтай хамтран ажиллах аж.

Хятад улсын Засгийн газар 2009 онд тамхины татвараа нэмж байжээ. Гэхдээ энэ оны тавдугаар сард ДЭМБ-ын гаргасан тайлан мэдээллээс үзвэл, тус улс тамхины татварыг нэмсэн ч “тамхины жижиглэнгийн үнэд өндөр татвар ногдуулаагүй” учраас тамхины хэрэглээг бууруулж чадахгүй байгаа ажээ.

Дэлхийн хамгийн том тамхи үйлдвэрлэгч, хэрэглэгч Хятад улсад тамхи татдаг 300 сая гаруй хүн байдаг бол, жил бүр 740 сая хүн дам тамхидалтад өртдөг гэнэ.

Мөн тамхитай холбоотой өвчнөөр жилд 1,36 сая хятад хүн нас бардаг байна.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.