О.Магнай СӨХ-ны дээд зөвлөлийг шүүхэд өгөв

Twitter Print
2014 оны 12-р сар 12-нд 08:35 цагт
Мэдээний зураг,

ШӨХТГ-аас Эвлэрлийн гэрээ зөрчиж, шүүхийн тогтоолыг сайн дураар биелүүлээгүй "Монголын сууц өмчлөгчдийн холбооны дээд зөвлөл" ТББ-ыг албадан татан буулгах захирамж гаргаж өгөхийг хүссэн хүсэлтийг өчигдөр Дүүргийн иргэний хэргийн анхан шатны нэгдүгээр шүүхэд гаргажээ.

ШӨХТГ-аас 2013 оны 1 сарын 28-ны өдөр "Монголын сууц өмчлөгдийн холбооны дээд зөвлөл" ТББ-ыг татан буулгах, 568.555.526 төгрөг гаргуулах нэхэмжлэлийг чингэлтэй дүүргийн шүүхэд гаргаж, иргэний хэрэг шүүхэд хянан шийдвэрлэх ажиллагаа явагдсан. Тус газар нь хариуцагчтай 2013 оны долоодугаар сарын 3-ны өдөр эвлэрлийн гэрээ байгуулж, нэхэмжлэлээсээ бүрэн татгалзсаны дагуу зохигч талуудын эвлэрлийг баталж, хэргийг хэрэгсэхгүй болгох тухай Чингэлтэй дүүргийн шүүхийн 2013 оны долоодугаар сарын 4-ний өдрийн 978 дугаар тогтоол гаргажээ.

Эвлэрлийн гэрээгээр "Монголын сууц өмчлөгдийн холбооны дээд зөвлөл" ТББ нь хууль тогтоомжид зааснаас бусад үндэслэлээр СӨХ-дын үйл ажиллагаанд хяналт тавихгүй байх, торгууль ногдуулахгүй, хураамж төлбөр авахгүй байх үүрэг хүлээжээ. Гэвч "Монголын сууц өмчлөгдийн холбооны дээд зөвлөл"  ТББ-ын гишүүн сууц өмчлөгчдийн холбооны сууц өмчлөгч өрх тус бүрээс сард 50 мянган төгрөг, жилд 600 төгрөг гишүүнчлэлийн татвараас авч, эвлэрлийн гэрээг зөрчсөн болох нь тогтоогдсон байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.