Ц.Шаравдорж: МАХН-аас хөөгдөнө гэдэгт хүмүүс итгэхгүй шүү

Twitter Print
2014 оны 12-р сар 11-нд 12:45 цагт
Мэдээний зураг,

Өчигдрийн МАХН-ын Гүйцэтгэх Зөвлөлийн хуралдаанаар МАХН-ын нарийн бичгийн дарга Ц.Шаравдоржийг намаасаа хөөх гэж байна гэх яриа гараад авсан. Ц.Шаравдоржийн хувьд намынхаа эсрэг турхирсан, намынхаа дотоод дүрмийг зөрчсөн үйлдлүүдийг удаа дараа гаргасан хэмээн багагүй шүүмжлэлд өртдөг. Харин энэ асуудлаар МАХН-ын нарийн бичгийн дарга Ц.Шаравдоржоос тодруулсан юм. Тэрбээр “Ц.Шаравдорж МАХН-аас гарна гэсэн мэдэгдэлд хүмүүс итгэхгүй байх гэж бодож байна. Би өөрийнхөө итгэл найдвараар энэ намд ирсэн. Тодорхой хэмжээнд төрд алба хааж байгаад ирсэн. Би өнөөдөр энэ улс төр хүчний үйл ажиллагааг дэмжиж, итгэдэг хүний нэг.

Магадгүй манай намаас ч ийм мэдээлэл тараасан байхыг үгүйсгэхгүй. Гол нь би МАХН-д гишүүнчлэл сэргээгээд намдаа ирсэн цагаасаа хойш хамт олонтойгоо эвтэй байгаа. Бидний дунд ямар нэг эв эе, санал зөрөлцсөн маргаантай зүйл байхгүй. Харин ажлын төлөө бид ярилгүй л яахав. Чанга, сул дуугарч байж таарна. Бид байдгаараа л байгаа. Намдаа ажиллаж байна” гэсэн юм.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.