Боксчин Х.Энхдэлгэр бүх насаараа тэмцээн уралдаанд оролцох эрхээ хасууллаа

Twitter Print
2014 оны 12-р сар 11-нд 18:02 цагт
Мэдээний зураг,

Монголын Боксын холбооны Удирдах зөвлөл энэ сарын 2-нд хуралдаж хэд хэдэн асуудал хэлэлцжээ. Уг хурлын шийдвэрээр эрэгтэйчүүдийн шигшээ багийн гишүүн ОУХМ Х.Энхдэлгэрийн сонирхогчдын бокст тоглох эрхийг нь бүх насаар нь хасчээ. Учир нь Х.Энхдэлгэр өөрийн насаа дарж, дүүгийнхээ нэрээр тэмцээнд оролцож байсан аж. Энхдэлгэр гэдэг түүний дүү ба жинхэнэ нэр нь Хархүүгийн Энх-Амар юм байна. Мөн түүний багш "Алдар" спорт хорооны дасгалжуулагч А.Гантулгын тэмцээн уралдаанд оролцох эрхийг нь хоёр жилээр хасчээ.

Х.Энх-Амар нь Казань хотноо болсон Оюутаны Универсиад наадамд түрүүлж, спорт сонирхогчдоо баярлуулж байсан билээ. Тэрээр насаа нууж тэмцээнд оролцож байсан нь энэ оны Азийн наадамд оролцохоос өмнө мэдэгджээ. БНСУ-ын хил гаалийн ажилчид нарийн шалгаж, насаа нууж байсныг нь илрүүлсэн байна. Боксын холбооны Удирдах зөвлөлийн хуралдаанаар түүнийг сонирхогчдын рингэнд хүч сорих боломжгүй болсон учраас мэргэжлийн бокст тоглох санал тавьж, тусалж дэмжихээ илэрхийлсэн байна.

Түүний багш “Алдар” спорт хорооны дасгалжуулагч А.Гантулга нь Монголын олон шилдэг тамирчинг спортын замд хөтлөн оруулж байсан. Олимп, дэлхийн мөнгөн медальт, гавъяат тамирчин Н.Төгсцогт анх “Алдар” спорт хорооны А.Гантулга багшаас боксын эрдэм сурч байсан билээ.

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.