Өсвөрийн жүдочид тивийн аваргад өрсөлдөнө

Twitter Print
2014 оны 12-р сар 11-нд 07:46 цагт
Мэдээний зураг,

Найм дахь удаагийн Азийн залуучууд, 15 дах удаагийн Азийн өсвөрийн жүдочдын аварга шалгаруулах тэмцээнд оролцохоор манай улсын баг тамирчид эх орноосоо мордоод байна. Азийн өсвөрийн аварга шалгаруулах тэмцээнд эх орноо төлөөлөн оролцож байгаа тамирчдын дийлэнх нь сумын дэвжээнээс  тивийн аваргын татами дээр өрсөлдөх гэж байгаа ажээ. Уг тэмцээнд хөвгүүдийн 8, охидын 6 тамирчин, Боржин төв дэвжээний дасгалжуулагч Б. Алтантуяа, Хангарьд клубын дасгалжуулагч Д.Наранбаатар нарын удирдлаган дор оролцох юм байна.

Хөвгүүдийн 50 кг-ийн жинд ОБЕГ-ын тамирчин, Өвөрхангай аймгийн Бүрд сумын харьяат Б.Мягмардорж, 55 кг-ийн жинд Булган аймгийн харьяат, Женко клубын тамирчин Б.Баяраа, 60 кг-ийн жинд ОБЕГ-ын тамирчин Хэнтий аймгийн Хэрлэн сумын харьяат Ж.Амарболд, 66 кг-ийн жинд Орхон аймгийн Хангарьд клубын тамирчин Б.Батболд нар Азийн 45 улсын тамирчидтай ур чадвараа сорин өрсөлдөх аж.

Мөн хөвгүүдийн 73 кг-ийн жинд Хөвсгөл аймгийн Алаг-Эрдэнэ сумын харьяат Г.Пүрэвсүрэн, 81 кг-ийн жинд ОБЕГ-ын тамирчин Булган аймгийн Хишиг-Өндөр сумын харьяат Б.Түвшинтөгс, 90 кг-ийн жинд Дархан-Уул аймгийн харьяат Б.Энхбаяр, +100 кг-ийн жинд Дорноговь аймгийн Хөвсгөл сумын харьяат Б.Бат-Эрдэнэ нар тивийн аваргын төлөө хурд хүч авхаалж самбаагаа сорин өрсөлдөнө. Харин охидын хамгийн хөнгөн жин буюу 40 кг-ийн жингийн Ази тивийн аварга шалгаруулах тэмцээнд Архангай аймгийн харьяат С.Отгонсүрэн үе тэнгийн шилдэг жүдочдыг төлөөлөн оролцох юм байна.

48 кг-ийн жинд Өвөрхангай аймгийн харьяат Б.Хорлоодой, 57 кг-ийн жинд Орхон аймгийн харьяат Хангарьд спорт клубын тамирчин Б.Оюунтүлхүүр, 63 кг-ийн жинд Баянхонгор аймгийн харьяат, Женко клубын тамирчин Ж.Ариунтуул, 70 кг-ийн жинд Төв аймгийн харьяат, Боржин төв дэвжээний тамирчин М.Даваасүрэн, +70 кг-ийн жинд Орхон аймгийн харьяат Ирээдүй-Одод сургуулийн Б.Уранбилэг нар эх орноо төлөөлөн олон улсын чанартай тэмцээнд оролцож хувийн амжилтаа ахиулах хариуцлагатай барилдаанууд хийхээр болжээ.

Азийн аварга шалгаруулах тэмцээнд оролцож байгаа Монголын жүдо бөхийн өсвөр үеийн баг тамирчдыг МЖБХ-ны Ерөнхий нарийн бичгийн дарга М.Бөхбат, Д.Мөнхзул нар ахлан удирдан явж байгаа юм байна. Тэмцээн энэ сарын 12-14-ны өдрүүдэд БНХАУ-ын тусгай бүс Хонконгод хоёр төрлөөр зохион байгуулагдах ажээ.

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.