Монголын тэшүүрчид Дэлхийн цомд оролцож байна

Twitter Print
2021 оны 12-р сар 04-нд 17:47 цагт
Мэдээний зураг,

АНУ-ын Юта мужийн Солт Лэйк хотноо Олон улсын тэшүүрийн холбооны (ISU) Дэлхийн цомын тэмцээний энэ улирлын гурав дахь гараа энэ сарын 3-5-ны өдрүүдэд болж байна.

"Бээжин -2022" өвлийн олимпийн эрхийн оноо олгох энэхүү тэмцээнд 36 орны эрэгтэй 187, эмэгтэй 127 тэшүүрчин хурдаа сорьж буй бөгөөд манай хоёр "ган хөлөгтөн" оролцож буй.

Эрэгтэй бөөн гараанд манай Ялалтын Зоригтбаатар (22 нас) өнөөдөр буюу 12 сарын дөрвөнд, эмэгтэй бөөн гараанд Алтан-очирын Зул (26 нас) маргааш (12.05) хурд сорих юм.

2002 оны Өвлийн олимпийн тэшүүрийн тэмцээн болсон, олимп, дэлхийн олон рекорд тогтоогдож байсан түүхт Olympic Oval ордны мөсөн дээр Унгарын Шандор Лю Шаолинь, Холландын Сюзанне Шультинг, Ютта Лердам, Шведийн Нильс Ван дер Пул нарын олимп, дэлхийн аварга олон шилдгүүд уралдаж байна.

P.S. Манай Я.Зоригтбаатар масс гарааны хоёрдахь хагасшигшээд уралдаж 7:07.490 амжилтаар ( 17 оноо ) 24 дүгээрт бичигдлээ. Дэлхийн цомын гурван гарааны дараах оноогоор тэрбээр 34 оноотой (2 гараанд л оролцсон) 50 тамирчнаас 44 дүгээрт бичигдэж байна.

Ц.Энхтүвшин

"Таван цагариг"

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.