Боловсролын салбарын авилгалыг шалгах ажлын хэсгийнхэнд амжилт хүсье

Twitter Print
2022 оны 08-р сар 08-нд 14:30 цагт
Мэдээний зураг,

Монгол улсын Ерөнхий сайд "Боловсролын салбарын авилгыг шалгах ажлын хэсэг байгуулсан тухай" Хууль зүйн Нямбаатар сайд айлджээ. Үнэн бол маш их баярлалаа, Ерөнхий сайд аа!

Энэ ажлын хэсгийнхэн хуулийн авилга гэсэн утга санааг эргэцүүлж бодно уу. Энэ бол энэ салбарын авилгалын хамгийн том хэлбэр нь юм.

Хамгийн том нь уулын эзэн нь биш харин хуулийн эзэн нь байдаг. Авилгалд ч энэ мөн ялгаагүй.

Үндсэн хуулиас давсан боловсролын салбарын хууль, журам, тушаалыг сайн шалгаад өгнө үү!. Хэн боловсруулсан байна гээд явна.

Жишээ нь, ерөнхий боловсролын салбарт хувийн гадаад, дотоодын маш олон сургууль байдаг. Төрөөс нэг хүүхдийн хувьсах зардал Үндсэн хуулийн дагуу аваад дээрээс нь дэлхийн шилдэг их сургуулийн төлбөрөөс ч өндөр төлбөрийг эцэг эхээс бас авдаг.

Эцэг эхийн феодал маягийн сэтгэлгээ хоцрогдлыг ашиглан гадаадын улсын ерөнхий боловсролын хувийн сургуулиуд монголоор дэлхийд байхгүй ашиг энд олдог. Сүлжээ болсон.

Монгол талын тэдний гар хөл бологчид нь эрх мэдэлтэй байдаг МАН-ан-ынхан, боловсролын яамны дарга нар. Мэдээж сайдууд орно.

Үүнийг Үндсэн хуультай нийцэж буй эсэхийг, мөн энэ нь хуулийн авилга мөн эсэхийг шалгаад өгнө үү. Гуйж байна!

Ерөнхий боловсрол нийгмийг тэнцвэржүүлэх үүрэгтэй учраас үнэ төлбөргүй байдаг. Үүнийг бүх засгийн газар тулгуур зарчим болгон баримталж байх ёстой юм.

Энэ зарчим ерөнхий боловсролын салбарт алдагдаад лав 30 жил болов.

Хоёр дахь том авилгын шинжтэй үйлдэл бол боловсролын салбарын тендер шүү.

Жишээ, шинжлэх ухаан хроник бичих тендерийн эхний шалгаруулалтын дүнг яагаад хүчингүй болгов. Шалгаруулах арга нь буруу байсан. Ийм байж болох уу?

Тендерийг эзэнтэй захиалаад эзэнг шалгаруулж, эзнээс худалдан авалт авдаг авилгалын технологи энэ салбарт гаарсан байгаа эсэхийг анхаарна уу.

Жишээ нь Британика 1000 ширхэгийг хэн захиалсан хэн тендерт ялсан хэн нийлүүлсэн юм бэ?

Дээрх гурван жишээ бол зүгээр маш энгийн, саяхан болсон, цаагуураа түгээмэл болсон а-ын хэлбэр байгаа юм.

Боловсролын салбарын авилгалыг шалгах ажлын хэсгийнхэнд амжилт хүсье. Үнэнээсээ чинхүү хүсэж байгаа шүү.

Боловсролын салбарын Үндсэн хуулиас давчихсан хуулийн заалтыг хэн бичив, тушаал, шийдвэрийг хэн боловсруулав, тендерийн бараа үйлчилгээг яаж сонгов гээд энэ салбарын чөдөр, чөтгөр болсон авилгалын олон хэлбэр тодорхой болох юм байна.

Төрийн өмчийн их дээд сургуулийн кампасын газар яагаад зарагдав. Хэн зарав, хэн захирал нь байв. Хэн авав.

Кампустай төрийн өмчийн их дээд сургууль энэ улсад байхгүй болсон доо. Кампасгүй сургуулийг сургууль гэх үү!

Захирлуудыг хэн захиалж хэн томилж, хэн томилогдов. Сонгон шалгаруулалтын үр дүнг яагаад оролцогчдод танилцуулдаггүй юм бэ....Баримт бий.

Боловсролын салбарын авилгалын хэлбэртэй, шинжтэй авируудыг энэ мэтээр бичвэл цаас хайран, цаг яйран юм даа.

Зарим бичвэр, жишээг энэ бүлгэмийн файл хэсэгт бичиж түүх баримт болгон үлдээсэн байгааг нээлттэй эх үүсвэр, баримт болгон ашиглахыг зөвлөе.

Боловсролын салбарын авилгал ч буцална даа, хэрэв сайн шалгавал.

Боловсролын салбарынхнаас багшаас бусад нь бужигнана даа, хэрэв үнэн ажиллавал.

Ц.Лувсандорж

2022 оны 8 дугаар сарын 4-ний өдөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.