Д.Хаянхярваа "төрдөө үнсүүлэв"

Twitter Print
2021 оны 12-р сар 03-нд 16:09 цагт
Мэдээний зураг,

Д.Хаянхярваа "төрдөө үнсүүлэв". Дараагийн авлигач, намчид түүний гаргасан дардан жимээр цувтугай!

УИХ-ын гишүүн асан Д.Хаянхярваа нь "Эрдэнэс Монгол" Төрийн өмчит компаний захирлын албан тушаалаа урвуулан ашиглаж, Шивээ-Овоогийн нүүрсний уурхайг түшиглэн 200МВт-ийн цахилгаан станц барих төслийн тендэрт оролцсон компаниас 2 тэрбум шахуу төгрөгийн хахууль авчээ.

АТГ-аас хийсэн нэгжлэгээр Д.Хаянхярваагаас 315 000 ам.доллар, 210 сая төгрөг, түүний туслах Ш.Уртнасангаас 150 000 ам.доллар, 65 сая төгрөг, төслийн нэгжийн захирал Ш.Доржрагчаагаас 35 000 ам.доллар, 10 сая төгрөгийг хураасан байдаг. Хураасан мөнгийг нь мэдээж улсын орлого болгосон.

Д.Хаянхярваагийн хэргээ хялбаршуулсан журмаар шийдвэрлүүлэх хүсэлтийн дагуу өчигдөр Сүхбаатар дүүргийн шүүхээс Д.Хаянхярваад 40 сая төгрөгийн торгууль, нийтийн албанд ажиллах эрхийг найман жил хасах шийдвэр гарчээ.

Нэг компаниас 2 тэрбум шахуу төгрөгийн хахууль авсан хүнийг 40 сая төгрөгөөр торгоод өнгөрч байгаа нь Монголын төр авлигалыг албан ёсоор хүлээн зөвшөөрч буйн нотолгоо мөн үү?

Төр засаг нь авлигалд идэгдэж, шүүх засаглал нь төрийнхөө мэдэлд орсноор Монгол улс авлигын өмнө хоёр гараа өргөв. Авлигад идэгдсэн улс орон хөгжсөн түүх байхгүй.

Шударга ёс тогтооно, хулгайч нартай амь хайргүй тэмцэнэ ... гэж хэн хэн хамгийн чангаар орилж, эрх мэдэлд хүрсэн билээ? Тэр хүмүүс нь өнөөдөр төрийн эрх барьж байгааг сануулья!

Сэтгүүлч Б.Отгон

 

Холбоотой мэдээ:

Эрдэнэс Монгол ХХК-ийн захирал Д.Хаянхярвааг суллажээ - http://mongolcom.mn/read/16937

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.