Букерийн шагналтан зохиолчдын бүтэлгүйтэл

Twitter Print
2014 оны 12-р сар 09-нд 07:23 цагт
Мэдээний зураг,

Шинэ оны босгон дээр улс төр, нийгмийн салбар бүхэн оны шилдэгүүдээ тодруулж эхлээд байгаа энэ үед англи хэл дээр зохиол бүтээл туурвагсдад олгодог дээд шагнал болох Букерийн болон уран зохиолын бусад олон шагналуудын эзэн зохиолч Бен Окри "Уран зохиолд сексийг хамгийн бүтэхгүй маягаар бичсэн" гэх нэгэн өвөрмөц шагналын эзнээр тодорчээ. “Literary Review” сэтгүүлээс тодорхойлсон уг шагналд Бен Окригийн "Шидэт зуун" (Age of Magic) романд баримтат кино авч байгаа зургийн багийн тухай өгүүлдэг бөгөөд хайр дурлалын нэгээхэн хэсгийг тун болхи, ядмаг дүрсэлсэн байгаа гэнэ.

Уг дүрслэлд, "Түүний гар нь хөхөн дээр нь хальтрахдаа унтраалга дарж орхиход, хүүхний нүд нь гэрэлтээд ирэв. Бүсгүйн хэвлийд хүрэхэд бүх л бие нь цахилгаан гүйдэлд цохиулах шиг санагдсан аж. Тэрээр даруй бүсгүйн биед элдэвлэн хүрч эхлэхэд бүсгүй, ухаан санаандаа  амтат бүхнийг зөгнөхийн хажуугаар гашуун мэдрэмж авч байлаа. Тиймээс ч бүсгүй, өөрийн биед зөвхөн бурхан наргиан болгож нуусан газрууд байдгийг олж мэдсэн байна" хэмээн Окри бичсэн байна.

Мөн өөр нэгэн өгүүлбэрт: "Хорвоод өөр олдохгүй хачин дулаан урсгалын дагуу сул хөвөхдөө түүнийг өөрт нь хэрхэн  аажмаар уусан орж байгааг мэдэрч байлаа. Тэрээр ялдамхан хэрнээ хүчтэй хайрлан, хүзүүгээр нь энхрийлэн илэхдээ гоо зүсийг нь бахдах мэт  толгойг нь хоёр гардан тэвэрч ахуйд бүсгүйн бие алдрах адил суларч, намуухан дуу алдаж эхлэвээ... Түүний хөдөлгөөн бүрээр дотоод ертөнц нь уудлагдан гайхал төрүүлж байлаа. Шөнийн тэнгэрт хаа нэгтээ тэнэмэл пуужин тэсэрч дуулдана" гэсэн байна гэнэ.

Зохиолч Бен Окри харин шинэ шагналынхаа талаар дуулаад "Зохиолч хүн бичих ёстой юмаа л бичдэг" гэж мэдэгдсэн байна.

Уг шагналын жагсаалтад алдартай өөр олон зохиолчид орсон бөгөөд Ричард Флэнеген ("Дэлхийн бөмбөрцгийг зааглах экваторын бүслүүр мэт түүний хэвлий дээгүүр дотоожных резиний мөрөөр гарсан ягаахан зурвасыг тэрээр үнсэж"), Харуки Мураками ("Умдагных нь үс хур буусан ой шугуй мэт нойтон байлаа"), Майкл Каннингем болон Уилбер Смит зэргийн зохиолчид орсон аж.

Дэлхийн англи хэлтэй орнуудын зохиолчдын дунд оны шилдэг бүтээл шалгаруулдаг Букерийн шагналд (Booker Prize) энэ жил тэргүүлсэн зохиолч 50 мянган фунт стерлинг (2002 он хүртэл тэргүүн байрын шагнал 21 мянган фунт байсан) авах аж. 1969 онд анх олгож эхэлсэн уг шагналд 2002 оноос Man групп ивээн тэтгэгчээр оролцох болсон учир “The Man Booker Prize” нэртэй болсон байна.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.