Украины газар нутаг дээрх ОХУ-ын цэргийн ажиллагаа үргэлжилсээр байна. Украины пуужингаас хамгаалах систем ОХУ-ын пуужинг замаас нь устгаж, пуужингийн хэлтэрхийнүүд Киев хотын Дарницкий дүүрэгт байрлах орон сууцыг оносны улмаас 3 хүн шархдсан талаар Киев хотын дарга В. Кличко мэдэгджээ.
Украины зүүн хойд хязгаарт байрлах Сумы хотын гудамжнаа ОХУ-ын зэвсэгт хүчнийхэн болон Украины зэвсэгт хүчнийхний хооронд зэвсэгт мөргөлдөөн үүсчээ.
Сумы нь Оросын хилээс 30 км хүрэхгүй зайд байрлах 260 мянга гаруй хүн амтай хот бөгөөд хотын удирдлагуудын мэдээлснээр ОХУ-ын зэвсэгт хүчний машин техникийн урт цуваа Киев хотын чиглэлд хөдөлсөн аж.
Украины Үндэсний банк Оросын болон Беларусийн рублиэр гүйлгээ хийхийг хоригложээ.
Блүүмбергийн мэдээлж байгаагаар ОХУ-ын цэргийн ажиллагаа эхэлснээс хойш Оросын бизнесменүүдийн хөрөнгө нийт 39 тэрбум ам. доллараар багассан байна.
Эх сурвалж: BBC
Содномцэрэнгийн Энхзаяа
mongolcom.mn
