Өрөө төлөөгүй эмэгтэйг амьдаар нь галдан шатаажээ

Twitter Print
2013 оны 12-р сар 02-нд 12:02 цагт
Мэдээний зураг,

Латин америкийн Гватемал улсад нэгэн эмэгтэйг амьдаар нь шатаасан аймшигтай хэрэг гарчээ. Маш хачирхалтай бөгөөд аймшигтай бодож төлөвлөсөн энэ хэргийг 250 хүн үгсэн хуйвалдаж хийсэн болохыг орон нутгийн хэвлэл мэдээлэл тэмдэглэж байна. Эдгээр хүмүүс өр зээлээ өгөлгүй удсан нэгэн эмэгтэйг ингэж дээд хэмжээнд шүүх болсон шалтгааныг цагдаагын газар одоогоор шалгаж байгаа аж. Гэмт хэрэгтнүүд  уг хэргийг урьдаас төлөвлөж  Сан-Хуан-Сакатепекес хотод хууль сахиулах байгууллагынханыг нэвтрүүлэхгүй байх үүднээс бэхлэлт хийсэнийхээ дараа өрөө төлөөгүй эмэгтэйн гэрийг бүслэн баривчилж галдан шатаасан байна. Гэвч хүн үнэмшимээргүй энэ хэргийн шалтгаан нь зөвхөн золиос болсон эмэгтэй хөршийндөө өрөө төлөлгүй удсанаас болсон гэж зарим эх сурвалж мэдээлжээ. Хэсэг бүлэг хүмүүс иймэрхүү маягаар хэрэг шүүдэг явдал Гватемалд олон гардаг бөгөөд засгын газрын албан ёсны мэдээлэлээр гэхэд энэ оны нэгдүгээр сараас арваннэгдүгээр сар дуусталхи хугацаанд нийт 47 хүнийг Линчийн шүүхээр шийтгэсэн байна. Нийгмийн хэв журам зөрчсөн болоод аливаа гэмт үйлдэлд сэжиглэгдсэн  этгээдийг олон нийтийн төлөөлөл албан ёсны шүүх ажиллагаа явуулалгүйгээр өөрсдийн дур зоргоор шүүж залхаан цээрлүүлэхийг Линчийн шүүх гэдэг. Анх америкт албан ёсоор бүртгэгдсэн энэ гаж шүүх ажиллагааг америкийн хуульч Чарльз Линч гэгч тусгаар тогтнолын дайны үед хэрэглэж байсан гэж үздэг бол өөр нэгэн хувилбараар ахмад Уильям Линч гэгч цаазлах бус, зөвхөн залхаан цээрлүүлэх зорилгоор 1780 онд анх Пенсильвани муж улсад “Линчийн хуулийг" нэвтрүүлж байсан гэж түүхэнд тэмдэглэгдсэн нь бий.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.