Австрид вакцинд хамрагдахаас татгалзсан иргэдийг торгоно

Twitter Print
2021 оны 11-р сар 30-нд 11:18 цагт
Мэдээний зураг,

Австрийн засгийн газар коронавирусын эсрэг вакцинд хамрагдахаас татгалзсан иргэдийг торгох хуулийн төсөл боловсруулж байгаа тухай Австрийн хэвлэл мэдээллийн хэрэгслүүдээр мэдээлж байна.

Коронавирусын эсрэг вакцинд хамрагдахаас татгалзсан иргэн 3600 еврогийн торгууль төлөх ба торгуулиа татгалзсан тохиолдолд тухайн иргэнд 4 сар хоригдох ял хүртэл ноогдуулах аж.

Түүнчлэн эрх баригчдаас илгээсэн коронавирусын эсрэг вакциндаа хамрагдах шаардах бичгийг үл ойшоосон үйлдлээ хоёр удаа давтсан иргэдийг 7200 еврогоор торгох аж.

Харин эрүүл мэндийн шалтгаанаар коронавирусын эсрэг вакцинд хамрагдаж чадаагүй иргэд, жирэмсэн эмэгтэйчүүд болон 12 хүртэлх насны хүүхдүүдэд уг журам үйлчлэхгүй аж.

Шинэ хуулийн төслийг ирэх сарын 6-наас парламентад танилцуулах ба уг хуулийн төсөл батлагдах эсэхийг Австрийн парламентын хоёр танхимын шийдэх аж.

Өмнө нь Австрийн эрх баригчид коронавирусын халдварын тархалт нэмэгдсэнтэй холбоотойгоор 2022 оны 2-р сараас эхлэн бүх иргэдийг коронавирусын эсрэг вакцинд зайлшгүй хамруулах журам гаргасан билээ.

Эх сурвалж: interfax.ru

Содномцэрэнгийн Энхзаяа 

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.