40 мянгатын орон сууцанд гал гарлаа

Twitter Print
2014 оны 12-р сар 04-нд 16:58 цагт
Мэдээний зураг,

Хүйтний улиралд гэр хорооллын болон орон сууцны айлууд гал алдах нь цөөгүй байдаг. Мөн Онцгой байдлын газраас иргэд оршин суугчдад гал түймрийн аюулаас урьдчилан сэргийлэх арга хэмжээ авахыг үргэлж анхааруулдаг. Өнөөдөр 14:40 цагийн орчимд Их дэлгүүрийн баруун талд 40 мянгатын орон сууцад гал гарчээ. Иргэд гал гарсан даруйд дуудлага өгч Онцгой байдлын газрын аврах, гал унтраах 10-р ангийн алба хаагчид газар дээр нь ажиллаж галыг унтраасан байна. Нийслэлийн Онцгой байдлын хэлтсийн ажилтан хэлэхдээ “Их дэлгүүрийн баруун талын байрны гурван давхар тагтнаас гал гарсан байна. Тус байрны гурван давхрын тагтан дээр эд зүйл шатаж, улмаар төөнөн дөрвөн давхрын айлын тагт галд автсан байсан. Галын шалтгаан нөхцлийг одоогоор тогтоогоогүй байна” гэсэн юм.

Энэхүү ахуйн түймэртэй холбогдуулан тус газраас дараах сэрэмжлүүлгийг хүргэж байна.

Ахуйн гал түймэр нь гэрийн цахилгаан шугамын ачааллыг хэтрүүлэх, пийшин, зуухны буруу галлагаа зэргээс шалтгаалан ихэвчлэн гарч байна. Иймд, иргэн та галын аюулгүйн дүрэм зааврыг чанд сахиж биелүүлж, тамхи, шүдэнзийнхээ галыг бүрэн гүйцэд унтраан галтай үнс, нурмыг ил задгай асгахгүй байх, пийшин зуухны галлагаа болон гэр ахуйн цахилгаан хэрэгсэл, шугам сүлжээний ашиглалт угсралтын дүрэм зааврыг зөрчихгүй байх, гэрийн цахилгаан шугамын ачааллыг хэтрүүлж хэрэглэхгүй байх, бага насны хүүхдийг харж хандах, асрах хүнгүй орхихгүй байхыг санууллаа.

 

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.