“Реал Мадрид”, “Севилья” багууд “Копа Дель Рэй”-гийн шөвгийн 16-д шалгарлаа

Twitter Print
2014 оны 12-р сар 04-нд 10:29 цагт
Мэдээний зураг,

Испанийн “Копа Дель Рэй”-гийн тэмцээн үргэлжилж байна. Урд шөнө Каталоны “Барселона” шөвгийн 32-т “Хуэска” багтай оноолт таарлаа. Энэ удаа зочлон тоглосон Л.Мессигийн баг 4:0-ээр бут ниргэж, дараагийн шатанд шалгарах том давуу талтай болсон аж. Уг тоглолтонд “Барса”-гаас И.Ракитич, Педро, А.Интеста, Рафинка нар гоол оруулжээ. Гэмтэлтэй байсан А.Иньеста тоглолтонд оролцож гоол хийсэн. Тэрээр сэтгүүлч нарт ярихдаа “Бэртэлтэй байж байгаад ирсэн ч гоол орууллаа. Манай баг талбай дээр үр бүтээлтэй тоглолт үзүүллээ” гэсэн юм. Хариу тоглолт Барселона хотын “Камп ноу” цэнгэлдэх хүрээлэнд болно.

“Копа Дель Рэй”-гийн бусад тоглолтын хувьд “Севилья”-“Сабаделл”-ыг 6:1, 5:1-ээр тус тус хожиж, шөвгийн 16-д шалгарсан. Мөн “Атлетико Мадрид”-“Хоспитал”-ыг 3:0-ээр буулган авчээ. Өчигдөр шөнө Эзэн хааны “Реал Мадрид” өрсөлдөгч “Корнелла”-г 5:0, 4:1-ээр хожиж дараагийн шатанд үлдсэн юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.