Өндөр настай И-г 16-21 насны гурван охин дээрэмджээ

Twitter Print
2014 оны 12-р сар 04-нд 09:53 цагт
Мэдээний зураг,

Хүйтний улиралд зарим төрлийн гэмт хэргийн гаралт нэмэгддэг талаар цагдаагийн байгууллага иргэдэд анхааруулдаг. Тухайлбал танхай, дээрэм, малын хулгайн гэмт хэрэг олноор үйлдэгддэг байна. Өнгөрсөн гуравдугаар сарын 8-ны өдөр буюу Олон улсын эмэгтэйчүүдийн баяраар СХД-ийн нутагт өндөр настан, иргэн И-г охидууд дээрэмдсэн тухай мэдээлэл цагдаагийн байгууллагад ирсэн. Тухайн этгээдүүд хэргийн газраас зугтаж, өнөөдрийг хүртэл эрэн сурвалжилж байсан. Харин дээрх этгээдүүдийг цагдаагийн алба хаагчид илрүүлэн баривчилсан байна. Гэмт хэрэгтнүүд 16-21 насны охид байжээ.

Хэрэг гардаг өдөр иргэн И зам хөндлөн гаргаж өгөхийг охидоос гуйсан байна. Улмаар өндөр настан И их хэмжээний бэлэн мөнгөтэй байгааг мэдээд дэлгүүрт хамт орж, гарч явахад нь дагаж яван 900.000 гаруй төгрөгийг нь дээрэмдээд зугтаажээ. Дээрх охид СХД-ийн харъяат, эрхэлсэн тодорхой ажилгүй хүмүүс байсан аж. Энэ хэргийг харъяа дүүргийн цагдаагийн хэлтэс үргэлжлүүлэн шалгаж байна.

 

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.