ОСТЕОАРТРИТЫН ТУХАЙ
Таны өвдөг өвддөг үү? Гэмтлийн бус гаралтай өвдөгний өвдөлтийн зонхилон тохиолдох шалтгаанд остеоартрит (ОА) ордог.
Остеоартритийн үед хоёр яс хоорондоо үрэлцэхээс хамгаалж байдаг үений мөгөөрс бүтцийн хувьд эвдэрч, элэгдэнэ, мөн үеийг үүсгэж буй 2 ясны хоорондох зай буюу үе хоорондын зай нарийсна. Ийм байдалтай удаан явснаас ОА улам даамжирч үе хоорондын мөгөөрс 60% хүртэл элэгдэж, хоёр яс хоорондоо хамгаалалтгүй үрэлцэж удаан явснаас үенд яс ургадаг.
Тэгвэл ОА-аас хэрхэн урьдчилан сэргийлэх вэ? Нэгэнт ОА болсон бол цаашид хэрхэн даамжруулахгүй байх вэ?
Түнхээр нугалах үүрэгтэй гуяны quadriceps буюу дөрвөн толгойт булчин өвдөгний үенд ирдэг ачааллыг бууруулж тогтвортой байлгах үүрэгтэй боловч булчинг ашиглахгүй удаан явснаас суларч, зарим тохиолдолд хатингаршдаг.
Гуяны дөрвөн толгойт булчин суларч, хатингарших нь ОА-аар өвдөх хамгийн том эрсдэлт хүчин зүйл болдог.
Сайн мэдээ гэвэл дөрвөн толгойт булчингаа тогтмол ажиллуулж, хөгжүүлснээр ОА цаашид хүндрэхээс урьдчилан сэргийлэх бүрэн боломжтой юм.
Зураг дээрх дасгалуудыг өдөр бүр 25-аар 3 удаа хийгээрэй.
Жаргалсайханы Бадамцэцэг
Энэ мэдээ танд таалагдаж байвал LIKE хийгээрэй. Танд баярлалаа.
