Үндэсний сагсан бөмбөгийн холбооны талбайд өнөөдөр арван тоглолт болж байна. Ирээдүйн алдрын танхимын гишүүн К.Брайнатын удирдсан “Лос Анжелес Лэйкерс” дорнод бүсийн “Детройт Пистонс” багийн талбайд зочлон тоглосон аж. Энэ тулаанд зочин багаас Ж.Хилл 22 оноо, 13 самбар, Н.Янг 19 оноо, К.Бузер 14 оноо, У.Жонсон 13 оноо, К.Брайант 12 оноо, 11 оновчтой дамжуулалт, Ж.Лин 11 оноо авчээ. Харин Детройтын “Бүлүүрүүд”-ээс Ж.Смит 18 оноо, 10 самбар, Д.Жи Агустин 13 оноо, К.Батлер 11 оноо, А.Драммунд 8 оноо, 13 самбар, Г.Монре 8 оноо, 10 удаа самбараас бөмбөг авсан ч энэ нь ялалт байгуулахад хангалтгүй байлаа. Өнөөдрийн бусад тоглолтын хувьд “Клевлэнд Кавалейрс”-“Милуоки Бакс” 111:108, “Атланта Хаукс”-“Бостон Селтикс” 109:105, “Бруклин Нэтс”-“Нью Йорк Никс” 98:
93-аар хожсон аж. Мөн “Даллас Маверикс”-“Чикаго Буллз”, “Нью Орленс Пеликанс”-“Оклахома Сити Тандер”, “Денвер Нагеттс”-“Портлэнд Блэзерс”, “Финикс Санс”-“Индиана Пэйзерс”, “Торонто Рэпторс”-“Сакраменто Кингз”, “Голден Стэйт Уорерз”-“Орлэндо Мэжик” багуудын тоглолт энэ цаг мөчид үргэлжилж байна.
E-mail: mongolcom.mn@gmail.com
Утас: 76110303, 76110505
