Нэг зургийн түүх - Алдарт "Шоколадтай охин" буюу зураач Лиотардын нууц
Швейцарийн зураач Жан-Этьен Лиотард 18-р зууны хамгийн нууцлаг зураачдын нэг гэж тооцогддог. Түүний хийсэн аялал, адал явдлын тухай домог нь түүний зургуудын тухай сэтгэл хөдөлгөм түүхээс дутахааргүйгээр өнөөдрийн өдрүүдэд хүрч ирсэн. Лиотарын хамгийн алдартай бүтээл бол эргэлзээгүй "Шоколадтай охин" юм.
Маш сонирхолтой домог нь энэ зурагтай холбоотой байдаг бөгөөд зураачийн тухайн үеийн хүмүүсийн гэрчлэснээр, нэгэн цагт кафед халуун шоколадаар үйлчилдэг зөөгч, ханхүүтэй гэрлэсэн тухай домог юм. Гэхдээ зургийн гол баатрын зан чанар, ёс суртахууны чанаруудын талаар маш их зөрчилдсөн нотлох баримтууд хадгалагдан үлдсэн ...
Лиотардын "Шоколадтай охин" зураг дээр бид даруухан охиныг хардаг, магадгүй тэр кафед орж буй зочдод халуун шоколад өгөхөөр яарч байгаа нь сэтгэлд ойр байдаг. Удаан хугацааны туршид нийтээр хүлээн зөвшөөрөгдсөн нэг хувилбарын дагуу зураач энэ зураг дээр ядуурсан язгууртны гэр бүлийн охин эелдэг гоо Анна Балтауфыг дүрсэлсэн хэмээж байв.
1745 оны нэгэн өдөр Австрийн язгууртан, эртний хамгийн баян гэр бүлийн удам болох хунтайж Дитрихштейн Венийн нэгэн кофены газарт шинэхэн шоколадан ундааг амтлахаар очжээ. Хөөрхөн бүсгүйн даруухан сэтгэл татам байдал түүнийг догдлуулж, гэрийнхэнээ эрс эсэргүүцлийг үл тоон түүнтэй гэрлэхээр шийджээ.
Сүйт бүсгүйдээ ер бусын бэлэг өгөхийг хүссэн ханхүү түүний хөргийг зураач Лиотардаар зуруулахаар захиалсан гэсэн байдаг.
Энэ бол ер бусын хөрөг болсон - ханхүү охинд анхны харцаар дурласан тэр дүр төрхөөр нь дүрслэхийг хүссэн гэдэг ч өөр нэг хувилбарын дагуу зураач, Австрийн хатан хаан Мария Терезагийн гол үйлчлэгчийг дүрсэлсэн бөгөөд түүний гоо үзэсгэлэн гайхалтай хэмээн шагширдаг байжээ.
Үнэн хэрэгтээ бүх зүйл домогт гардагтай харьцуулахад романтик биш гэж уран зургийн шинжээчид маргадаг.
Энэ охин ядуурсан язгууртаны охин Анна биш, язгууртан гэр бүлээс гаралтай биш, энгийн гэр бүлээс гаралтай энгийн охин Нандл Балтауф байсан.
Түүний өвөг дээдэс бүгд зарц байсан, эмэгтэйчүүд ихэвчлэн эзэддээ тусгай үйлчилгээ үзүүлж, амьдралын адислалд хүрдэг байсан. Ийм хувь тавилангийн төлөө охиноо ээж нь бэлдсэн бөгөөд охин нь өөр аргаар мөнгө, аз жаргалд хүрч чадахгүй гэж батлахыг оролдоцгоосон...
Ханхүү анх охиныг кафед биш, харин нэг танилынхаа гэрт үйлчилж байхыг харсан. Нандл ханхүүг өөртөө татахыг хичээж, бүх талаараа хичээдэг байв. Төлөвлөгөө амжилттай болж, ухаалаг шивэгчин удалгүй язгууртан эзэгтэй болжээ.
Дэлхий нийтийг цочирдуулсан мэдээ тархсан нь, "Хунтайж Дитрихштейн шивэгчинтэй гэрлэж байна!".
Тэр үнэхээр сүйт бүсгүйн хөрөг зургийг Лиотардад захиалж, сонгосон хөрөгийнхөө тухай ярихад зураач, "Ийм эмэгтэйчүүд үргэлж амжилтанд хүрдэг. Тэр амжилтанд хүрвэл чи зугатах газаргүй болно.
Ханхүү гайхаж,
- Лиотард юу гэсэн үг вэ гэж асуухад,
Бүх зүйлд цаг хугацаа байдаг. Үүнийг та өөрөө ойлгох цаг ирнэ. Гэхдээ хэтэрхий оройтчих вий гэж айж байна. Гэвч ханхүү юу ч ойлгоогүй, амьдралынхаа эцэс хүртэл сонгосон хүнтэйгээ хамт амьдарч, бүх хөрөнгөө түүнд гэрээслэн нас баржээ. Түүнд нэг ч эмэгтэй ойртож чадахаа больсон. Эхнэр нь хөгширч нэр хүндтэй болж чадсан.
1765 оноос хойш "Шоколадтай охин" Дрездений галерейд хадгалагдаж байсан бөгөөд Дэлхийн 2-р дайны үед нацистууд энэхүү зургийг галерейн бусад үзмэрүүдийн хамт Эльба мөрний дээрх Кенигстейний шилтгээнд нуусан байсныг хожим олж илрүүлжээ. Зөвлөлтийн цэргүүд хүйтэн, чийгтэй зоориноос олсон ч үнэт цуглуулга ямартаа ч гайхамшигаар хадгалагдан үлдсэнийг урлаг судлаачид гайхсаар байна.
Хөрөг дээрх моделийг хэн болохыг хараахан нарийн тогтоогоогүй байгаа ч Лиотарын "Шоколадтай охин" нь Дрездений галерейд ирсэн хүн бүрийн сэтгэлийг хөдөлгөж, түүний шилдэг бүтээлүүдийн нэгд тооцогдсоор байна. "Шоколадтай охин" нь маркетингийн түүхэн дэх анхны худалдааны тэмдэгүүдийн нэг болсон нь анхаарал татдаг. Үүнийг кофе шопийн сүлжээ лого болгон ашигладаг хэвээр байна.
Уран зургийн түүхээс
Р.Сайхан-Уул
