Владимир Путин Бээжин-2022 Өвлийн Олимпын наадамд оролцох урилгыг баяртайгаар хүлээн авсан гэлээ

Twitter Print
2021 оны 11-р сар 24-нд 11:44 цагт
Мэдээний зураг,

Хятадын Синьлан мэдээллийн сайтад бичсэнээр ОХУ-ын Ерөнхийлөгч Владимир Путин ирэх жил болох Бээжингийн Өвлийн Олимпын наадамд оролцох урилгыг хүлээн авсан нь хоёр улс онцгой харилцаатай болохыг харуулсан "чухал шийдвэр" байсан хэмээн бичжээ.

Тус сайтад, "Хятад, Орос хоёр улс нь олон жилийн өмнө яригдаж байсан шигээ түншүүд эсвэл ахан дүүс, найз нөхөд биш. Гэхдээ олон улсад хурцадмал байдал үүссэн энэ үед Хятад, Орос хоёр олон асуудал дээр байр суурь нэгдэж, хамтын ажиллагаагаа дэмжсээр ирсэн билээ" хэмээн онцолжээ.

Хятадын Гадаад харилцааны яамны төлөөлөгч Жао Лижяний мэдэгдсэнээр Хятадын Ерөнхийлөгч Си Жиньпин "Сайн найз Ерөнхийлөгч В.Путиныг Бээжингийн Өвлийн Олимпын наадмын нээлтэнд урьсан ба В.Путин урилгыг баяртайгаар хүлээн авчээ" гэсэн байна.

Синьлан сайтад бичсэнээр В.Путин нь Бээжингийн Өвлийн Олимпын наадамд оролцох урилгыг хүлээн авсан гадаадын анхны төрийн тэргүүн болж байгаа ба энэ нь хоёр улсын харилцаа түншүүдээс ч илүү болсныг харуулж байна гэжээ.

Тэрчлэн хоёр улсын харилцаа сайжирч байгаа нь зарим талаараа АНУ-ын "ач тус" бөгөөд Вашингтоны зүгээс олон асуудлаар Хятад болон ОХУ-д хоёуланд нь дарамт шахалт үзүүлсээр байгаа билээ. ОХУ-ын Ерөнхийлөгч Бээжингийн Олимпын наадамд оролцох болсон нь Бээжингийн Олимпын наадмыг улс төрийн зорилгоор бойкотлохыг уриалж буй барууны улс орнуудад томоохон цохилт болж өглөө хэмээн Синьлан сайтад онцолсон байна.

Өнгөрсөн долоо хоногт ОХУ-ын Ерөнхийлөгч Владимир Путины хэвлэлийн нарийн бичгийн дарга Дмитрий Песков Ерөнхийлөгч В.Путиныг Бээжингийн Өвлийн Олимпын наадмын нээлтэнд урьсан талаар мэдэгдэж байсан билээ.

Бээжингийн Өвлийн Олимпын наадам ирэх 2-р сарын 4-нд эхлэх юм.

Эх сурвалж: interfax.ru

Содномцэрэнгийн Энхзаяа 

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.